Өнөөдрийн тухай таны мэдэх ёстой 12 зүйл: Долларын ханш нэмэгдсээр байна

8 дугаар сарын 4-ний өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 216 дахь өдөр бөгөөд он дуусахад 149 хоног үлдлээ.
2. Цаг агаар өдөртөө 19 хэмийн дулаан бол шөнөдөө 12 градус дулаан байх нь ээ. Өдөртөө бороо орох гэнэ.
3. Билгийн тооллын 12, хоёр хар мэнгэтэй харагчин гахай өдөр. Өнөөдөр үсээ авахуулах буюу засуулбал өвчин эмгэг ирэх гэнэ. Энэ өдөр хонь жилтнээ аливаа үйлийг хийхэд эерэг сайн, бар, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
4. Манай улсын голлох валют болох ам.долларын ханш 2470.00 төгрөгтэй тэнцэж байгаа бол бусад валют болох рубль 41.50, юань 367.70, вон 2.14 төгрөг байна.

Өнөөдөр болох онцлох үйл явдлууд: 

1. Дорнод аймгийн Чойбалсан хотод Монгол Улсын 21 аймгийн БОАЖ-ын Газрын дарга нар чуулна.
2. 12.00 цагаас Хэвлэлийн Хүрээлэнд: Удахгүй болох “Аавуудын өдөр”-ийг тохиолдуулан Монголын эрэгтэйчүүдийн холбооноос мэдээлэл хийнэ.

Энэ өдөр дэлхийн түүхэнд: 

1. 1961 оны энэ өдөр Америкийн 44 дэх ерөнхийлөгч Барак Обама мэндэлжээ.
2. Мөн 1987 оны энэ өдөр БНСУын дуучин, жүжигчин Jang Keun-suk мэндэлжээ.
3. 1924 онд Мексик болон ЗХУ дипломат харилцаа тогтоож байжээ.
4. 1947 онд Японы Дээд шүүх байгуулагдаж байжээ.
5. 2007 онд НАСА "Phoenix" хэмээх сансрын хөлгөө сансарт хөөргөжээ.
6. 1977 онд АНУ-ын 39 дэх Ерөнхийлөгч Жимми Картер АНУ-ын Эрчим хүчний яамыг байгуулах хууль тогтоомжид гарын үсэг зурж байсан аж.