8 дугаар сарын 2-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 214 дахь өдөр бөгөөд он дуусахад 151 хоног үлдлээ.
- Цаг агаар өдөртөө 26 хэмийн дулаан бол шөнөдөө 15 градус дулаан байх нь ээ. Өдөртөө бороо орох гэнэ.
- Билгийн тооллын 10, дөрвөн ногоон мэнгэтэй цагаагчин тахиа өдөр. Өнөөдөр үсээ авахуулах буюу засуулбал эрч хүч ихсэх гэнэ. Энэ өдөр үхэр жилтнээ аливаа үйлийг хийхэд эерэг сайн, могой, морь жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2454.00 төгрөгтэй тэнцэж байгаа бол бусад валют болох рубль 41.50, юань 366.00, вон 2.15 төгрөг байна.
Өнөөдөр болох онцлох үйл явдлууд:
- 12.00 цагт үндэсний цэцэрлэгт хүрээлэнд гудамжны бүжгийн тулаан болно.
- Есөн хөлт танхимд 11.40 Монгол Улсын Ерөнхийлөгч Халтмаагийн Баттулга Үндэсний шигшээ багийн тамирчин Соронзонболдын Батцэцэгт Монгол Улсын Хөдөлмөрийн баатар цол хүртээх ёслол болно.
- 10.00 цагт Онцгой байдлын ерөнхий газар дээр Монгол Улсын Шадар сайд У.Хүрэлсүх түймрийн голомтод ажиллаж байгаа алба хаагчид, сайн дурын хандивын аянд нэгдэж, хандив тусламжаа илгээсэн төрийн болон төрийн бус байгууллага, аж ахуйн нэгж байгууллага, иргэдийн төлөөллийг хүлээн авч, хүндэтгэл үзүүлж, Талархал гардуулна.
- 13.00 цагаас УБТЗ-ын Удирдах газрын өмнөх талбайд "Ган зам" дууны хөшөөнд цэцэг өргөх ёслол болно.
- "Эхийн сүүгээр хооллолтыг дэмжих 7 хоног" аян явагдаж байна.
Энэ өдөр дэлхийн түүхэнд:
- Македон улс тусгаар тогтнолоо зарлажж, Бүгд найрамдах засаглалтай болжээ.
- 2016 онд Египет гаралтай Америк химич, академич, Нобелийн шагналтан Ahmed Zewail таалал төгсчээ.
- 1984 оны энэ өдөр Америкийн дуучин, продюсер Britt Nicole мэндэлжээ.
- 1998 онд Хоёрдугаар конго дайн эхэлжээ.
