7 дугаар сарын 27-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 208 дахь өдөр бөгөөд он дуусахад 157 хоног үлдлээ.
- Цаг агаар өдөртөө 29 хэмийн дулаан бол шөнөдөө 11 градус дулаан байх нь ээ.
- Билгийн тооллын 4, нэг цагаан мэнгэтэй хөхөгчин туулай өдөр. Өнөөдөр үсээ авахуулах буюу засуулбал бие эрхтний хүч сайжрах гэнэ. Энэ өдөр гахай жилтнээ аливаа үйлийг хийхэд эерэг сайн, үхэр, луу, хонь, нохой жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2433.00 төгрөгтэй тэнцэж байгаа бол бусад валют болох рубль 41.20, юань 361.20, вон 2.13 төгрөг байна.
Өнөөдөр болох онцлох үйл явдлууд:
- 09.30 цагаас 20-р дүрийн Бакула Ринбүчи багшийг Арслант ширээнд залах ёслол Бэтүв хийдэд болно.
- 11.00 цагаас Монгол Ньюс мэдээллийн төвд "Элэг бүтэн Монгол хөтөлбөр"-ийг санаачлагч Оном сангаас 07.28-ны Дэлхийн хепатитын өдрийг угтан элэгний өвчлөл өндөртэй бүс нутгийн 65-аас дээш настай иргэдийг В, С вирүсийн илрүүлэх шинжилгээнд үнэ төлбөргүй хамруулах тухай, мөн Элэг бүтэн Монгол хѳтѳлбѳрийн хэрэгжилтийн өнөөгийн байдлын талаар мэдээлийг хийнэ.
- "Сонсголын бэрхшээлтэй иргэдийн зуны Олимпын XXIII наадам"-д амжилттай оролцсон баг тамирчдийн эхний хэсэг өглөө 10:05 Туркийн онгоцоор эх орондоо газардана.
- ISO/TS “Хүнсний аюулгүй байдлын удирдлагын тогтолцоо—Хүнсний аюулгүй байдлын удирдлагын тогтолцоонд аудит болон баталгаажуулалт хийдэг байгууллагад тавих шаардлага” стандартын сургалт 09.00-17.00 цагийн хооронд Улаанбаатар зочид буудлын 6 давхарт болно.
- 100 буудалт даамын “Дэлхийн цом”-ын тэмцээний сүүлийн тойргийн тоглолт өнөөдөр явагдаж, ялагчдаа тодруулна.
- Монголын Хэт авиан оношилгооны нийгэмлэг, Дэлхийн Хэт Авиан оношилгооны нийгэмлэгүүдийн холбооны Монгол дахь сургалтын төв (WFUMB COE) 5 дахь Олон улсын сургалтаа “Хэвлийн хөндий болон хөхний хэт авиа оношилгоо” сэдвээр долдугаар сарын 27-29-ний өдрүүдэд "Чингис хаан" зочид буудлын 3 давхарын хурлын танхимд зохион байгуулна.
- Нийслэлийн АН, МАН-ын бүлэгт 60-н тэрбумын асуудлаар шаардлага хүргүүлсэн. Үүний хариу Хангарьд ордны зүүн хаалган дээр 10.00 цагт гарна.
- 14.00 цагаас BLUE SKY зочид буудлын 3 давхрын TOPAZ танхимд МОНГОЛ, БНХАУ-ын бизнес уулзалт болно.
Энэ өдөр дэлхийн түүхэнд:
- 1984 оны энэ өдөр АНУ-ын алдарт сагсан бөмбөгийн тамирчин Jordan Hill мэндэлжээ.
- 2015 онд Энэтхэгийн Пунжаб муж дахь цагдаагийн газарт буутай залуу халдлага үйлдсэний улмаас 7 хүн амь насаа алдаж, өчнөөн хүн бэртэж гэмтжээ.
