Өнөөдрийн тухай таны мэдэх ёстой 14 зүйл: "Оюутолгой" ХХК гал унтраахад дэмжлэг болохуйц том оврын техник төхөөрөмжийг хандивлана

7 дугаар сарын 26-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 207 дахь өдөр бөгөөд он дуусахад 158 хоног үлдлээ.
2. Цаг агаар өдөртөө 25 хэмийн дулаан бол шөнөдөө 11 градус дулаан байх нь ээ.
3. Билгийн тооллын 3, хоёр хар мэнгэтэй хөх бар өдөр. Өнөөдөр үсээ авахуулах буюу засуулбал эд мал, баялаг төгөлдөр болох гэнэ. Энэ өдөр нохой жилтнээ аливаа үйлийг хийхэд эерэг сайн, могой, морь жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
4. Манай улсын голлох валют болох ам.долларын ханш 2428.00 төгрөгтэй тэнцэж байгаа бол бусад валют болох рубль 41.50, юань 361.00, вон 2.13 төгрөг байна.

Өнөөдөр болох онцлох үйл явдлууд: 

1. Өнөр бүл хүүхдийн багш, ажилтан, хүүхдүүд хамтран 10.00 цагаас “ӨГЬЕ, ТУСАЛЬЯ, ЦЭВЭРЛЭЕ” аяны хүрээнд гал түймэр асахаас урьдчилан сэргийлэх зорилгоор Туул голын сав газрыг цэвэрлэх үйл ажиллагааг зохион байгуулна.
2. Түймэртэй үед Засгийн газраас уул уурхайн компаниудаас дэмжлэг хүсэхийг санал болгосны дагуу БОАЖЯ-наас Оюутолгой ХХК-иас тусламж хүссэн. Энэ дагуу тус компаниас гал унтраахад дэмжлэг болохуйц том оврын техник төхөөрөмжийг БОАЖЯ-аар дамжуулан хэрэгтэй хүмүүст нь олгох шийдвэрийг гаргасан байна. Энэхүү үйл ажиллагаа 11.00 цагт Сүхбаатарын талбайд болно.
3. Монголын Скаутын холбоо Ази Номхон Далайн бүсийн Жембори хэмээх Скаут хүүхдүүдийн майхант Чуулга-Зусланг 2017 оны 7-р сарын 27-ноос эхлэн 7 хоногийн турш Олон улсын хүүхдийн “Найрамдал” цогцолборт зохион байгуулах гэж байна.

Энэ өдөр дэлхийн түүхэнд: 

1. Америкийн жүжигчин Сандра Буллок 1964 оны энэ өдөр мэндэлжээ.
2. Мөн 1955 оны энэ өдөр Пакистаны 11-р ерөнхийлөгч Асиф Али Зардари мэндэлжээ.
3. 1931 онд Японы уран дасгалч (гимнастикч) Оно Такаши мэндэлж байжээ.
4. 1957 онд Гватемал улсын цэргийн дэг тогтоогч Карлос Кастильо Армас алагдсан.
5. 1945 онд Германы Потсдам хотноо болсон бага хурлын хүрээнд Потсдамын тунхаг үзэглэгдсэн.
6. 1868 онд  Франц улс Номхон далайн өмнөд талын Таити арлыг өөрийн мэдэлд авсан.
7. 1847 онд Өрнө Африкийн Либери улс тусгаар тогтнолоо зарлан тунхагласан.