7 дугаар сарын 25-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 206 дахь өдөр бөгөөд он дуусахад 159 хоног үлдлээ.
- Цаг агаар өдөртөө 24 хэмийн дулаан бол шөнөдөө 14 градус дулаан байх нь ээ.
- Билгийн тооллын 2, гурван хөх мэнгэтэй харагчин үхэр өдөр. Өнөөдөр үсээ авахуулах буюу засуулбал хэл ам, хэрүүл тэмцэл ирэх гэнэ. Энэ өдөр могой жилтнээ аливаа үйлийг хийхэд эерэг сайн, бич, тахиа жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2429.00 төгрөгтэй тэнцэж байгаа бол бусад валют болох рубль 41.60, юань 360.20, вон 2.12 төгрөг байна.
Өнөөдөр болох онцлох үйл явдлууд:
- Зууны мэдээ сонины Үндэсний мэдээллийн төвд 11.30 цагаас С.Баярыг эргүүлэн татах асуудлаар 7-р сарын 1-ний хохирогчдийн ар гэрийнхний төлөөлөл мэдээлэл хийнэ.
- Монголбанкнаас сар бүр зохион байгуулдаг ээлжит хэвлэлийн бага хурал 1400 цагт Монголбанкны байранд болно.
- 11.30 цагт эрчим хүчний зохицуулах хорооны дарга УИХ-ын гишүүн асан А.Телеханд албан шаардлага хүргүүлнэ.
- "Сонсголын бэрхшээлтэй иргэдийн зуны Олимпын XXIII наадам"-д амжилттай оролцсон баг тамирчдийн эхний хэсэг өглөө 10:05 Туркийн онгоцоор эх орондоо газардана.
- 12.00 цагт нийслэлийн Хэвлэл мэдээллийн төвд "Цэцэрлэгийн онлайн бүртгэл"-ийн талаар нийслэлийн Мэдээллийн технологийн газар болон нийслэлийн Боловсролын газраас мэдээлэл хийнэ.
Энэ өдөр дэлхийн түүхэнд:
- 1567 онд Өнөөгийнхөөр Венесуэл улсын нийслэл Каракас хот, тухайн үеийн Сантьяго суурин үүсэн байгуулагдсан.
- 1868 онд Вайоминг нутаг 1868 онд Америк улсын мэдэлд шилжсэн. Өдгөө нэгэн муж улс нь болжээ.
- 1920 онд Францын зэвсэгт хүчин Дамаскыг эзэлсэн.
- 1925 онд Зөвлөлт Холбоот Улсын цахилгаан мэдээний агентлаг (орос товчлол ТАСС) байгуулагдсан.
- 1957 онд Францаас салж тусгаар тогтносон Бүгд Найрамдах Тунис Улс байгуулагдснаа зарлан тунхагласан.
- 2007 онд Пратибха Патил Энэтхэг улсын түүхэн дэх анхны эмэгтэй ерөнхийлөгч болсон.
