7 дугаар сарын 20-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 201 дахь өдөр бөгөөд он дуусахад 164 хоног үлдлээ.
- Цаг агаар өдөртөө 28 хэмийн дулаан бол шөнөдөө 13 градус дулаан байх нь ээ. Мөн шөнөдөө бага зэргийн бороо орох гэнэ.
- Билгийн тооллын 27, найман цагаан мэнгэтэй шар бич өдөр. Өнөөдөр үсээ авахуулах буюу засуулбал өлзийтэй сайн гэнэ. Энэ өдөр хулгана жилтнээ аливаа үйлийг хийхэд эерэг сайн, үхэр, луу, хонь, нохой жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2425.00 төгрөгтэй тэнцэж байгаа бол бусад валют болох рубль 41.30, юань 360.00, вон 2.11 төгрөг байна.
Өнөөдөр болох онцлох үйл явдлууд:
- БОАЖЯ-н харьяа Дамбадаржаа дахь модлог ургамалын цуглуулгын цэцэрлэгт хүрээлэнд “Ойн аж ахуйн сургалтын төв”-ийг ашиглалтад оруулна.
- Монгол Улсад Автотээврийн салбар үүсч хөгжсөний 92 жилийн ойн баярыг тохиолдуулан баярын хурал, шагнал гардуулах ёслолын үйл ажиллагаа 10.00 цагаас Автотээврийн үндэсний төвийн хурлын зааланд болно.
- 11.00 цагт монгол ньюс мэдээллийн төвд МАН-ын бага хурлын гишүүн М.Ганбаатар намын удирдлагын шинэчлэлтэй холбоотой хөдөлгөөн байгуулж байгаагаа мэдэгдэнэ.
- Одон орон, геофизикийн хүрээлэнгийн 60 жилийн ойд зориулсан арга хэмжээ Чингис зочид буудлын III давхарт 09.00 цагт эхэлнэ.
- Монгол Улсын Ерөнхийлөгч, Зэвсэгт хүчний Ерөнхий командлагчид хүндэтгэл үзүүлэх Улаанбаатар цэргийн хүрээний анги, байгууллагуудын Цэргийн ёслолын жагсаал Жанжин Д.Сүхбаатарын талбайд 11.00 цагт зохион байгуулагдана.
Энэ өдөр дэлхийн түүхэнд:
- Өнөөдөр бол Африкийн улсуудын Мод тарих үндэсний өдөр.
- Мөн өнөөдөр Коста Рикад Инженерүүдийн баярын өдөр тохиож байгаа юм байна.
- Колумба улс Тусгаар тогтнолоо зарлаж байжээ.
- 2015 онд АНУ болон Куба улсууд дипломат харилцаагаа сэргээжээ.
- 1949 онд Израйл болон Сири 19 сарын дайныг эцэслэх гэрээнд гарын үсэг зуржээ.
- 1940 онд Дани улс Үндэсний лигээс гарчээ.
