7 дугаар сарын 07-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 188 дахь өдөр бөгөөд он дуусахад 177 хоног үлдлээ.
- Цаг агаар өдөртөө 25 хэмийн дулаан бол шөнөдөө 14 градус дулаан байх нь ээ. Мөн өдөртөө бага зэргийн бороо орох гэнэ.
- Билгийн тооллын 14, гурван хөх мэнгэтэй хөхөгчин хонь өдөр. Өнөөдөр үсээ авахуулах буюу засуулбал эд мал арвижих гэнэ. Энэ өдөр гахай жилтнээ аливаа үйлийг хийхэд эерэг сайн, үхэр, бар, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2414.00 төгрөгтэй тэнцэж байгаа бол бусад валют болох рубль 41.20, юань 355.00, вон 2.07 төгрөг байна.
Өнөөдөр болох онцлох үйл явдлууд:
- Монголын анхны хиймэл дагуул тойрог замдаа орж, үүргээ гүйцэтгэж эхэлнэ. Үйл ажиллагаа МУИС-ийн шинэ номын сангийн 6 давхарт 16.30-17.30 цагийн хооронд болно.
- Монгол Улсын Ерөнхийлөгчийн сонгуулийн дахин санал хураалтын ажил 07.00 цагаас улс орон даяар эхэлнэ.
Энэ өдөр дэлхийн түүхэнд:
- Өнөөдөр бол Дэлхийн Шоколадны өдөр.
- 1978 онд Соломоны арлууд Их Британиас салан тусгаарлаж, тусгаар тогтнолоо олж авчээ:
- 1980 онд Иранд анхны Шариатын байгууллага бий болжээ.
- 2007 онд "Live Earth" хэмээх буяны тоглолт болжээ.
- 1985 онд Дэлхийн номер 1 теннисчин Boris Becker Теннисны дэлхийн аварга шалгаруулах тэмцээнд түрүүлсэн хамгийн залуу тоглогч болсон бөгөөд тэр үед 17 настай байсан байна.
