7 дугаар сарын 06-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 187 дахь өдөр бөгөөд он дуусахад 178 хоног үлдлээ.
- Цаг агаар өдөртөө 20 хэмийн дулаан бол шөнөдөө 13 градус дулаан байх нь ээ. Мөн өдөртөө бага зэргийн бороо орох гэнэ.
- Билгийн тооллын 13, дөрвөн ногоон мэнгэтэй хөх морь өдөр. Өнөөдөр үсээ авахуулах буюу засуулбал жаргал ирэх гэнэ. Энэ өдөр бар жилтнээ аливаа үйлийг хийхэд эерэг сайн, үхэр, луу, хонь, нохой жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2398.00 төгрөгтэй тэнцэж байгаа бол бусад валют болох рубль 41.00, юань 354.00, вон 2.08 төгрөг байна.
Өнөөдөр болох онцлох үйл явдлууд:
- 10.00 цагт Шадар сайд Төв цэнгэлдэх-д Наадмын бэлтгэл ажилтай танилцана.
- 09.45 цагт Монгол шуудан ХХК-ын байранд Монгол улсын Засгийн газраас хэрэгжүүлж буй “ЭЛЭГ БҮТЭН МОНГОЛ” үндэсний хөтөлбөрийг хэрэгжүүлэх зорилгын хүрээнд Гялс анагаах ухааны төвийн “Элэгний С вирүсийн ачаалал тоолох” шинжилгээний сорьцыг хөдөө, орон нутгаас буухиа шуудангаар эрсдэлгүй, шуурхай хүргэх үйлчилгээг Монгол шуудан ХХК хамтран хэрэгжүүлэх болсонтой холбогдуулан санамж бичигт гарын үсэг зурна.
- Үл хөдлөх хөрөнгийн "Тэнхлэг зууч" ХХК 2017 оны зургаадугаар сарын Орон сууцны үнийн индексийн тооцооллыг танилцуулах хэвлэлийн бага хурал 12.00 цагт Монголбанкны байранд болно.
- 10.00 цагаас Нийслэлийн Хэвлэл мэдээллийн төвд Нийслэлийн Аялал жуулчлалын газраас "Дээлтэй Монгол" наадмын талаар мэдээлэл хийнэ.
- 11.00 цагаас Нийслэлийн Хэвлэл мэдээллийн төвд НЗДТГ, Тоёота моторс хамтран баяр наадмын түрүү бөхийн бай шагналын талаар мэдээлэл хийнэ.
- 12.00 цагаас Үндэсний их баяр наадмыг зохион байгуулах хорооны хурдан морины салбар хороо мэдээлэл хийнэ.
Энэ өдөр дэлхийн түүхэнд:
- 1960 оны энэ өдөр сүмогийн 63 дахь ёкозүна Асахифүжи Сэйя мэндэлжээ.
- Өнөөдөр Перу улсад Багш нарын баяр тохиож байна.
- Өнөөдөр АНУ-ын Үндэсний шарсан тахианы өдөр юм байна.
- 1975 оны энэ өдөр АНУ-ын реппер, жүжигчин 50Cent мэндэлжээ.
- 2013 онд Канадын Lac-Mйgantic, Quebec хотод газрын тос ачиж явсан машин галт тэрэгтэй мөргөлдөж, гал дүрэлзсэний улмаас 47 орчим хүн нас барж, хотын төв хэсгийн 30 орчим барилга нурсан байна.
