7 дугаар сарын 05-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 186 дахь өдөр бөгөөд он дуусахад 179 хоног үлдлээ.
- Цаг агаар өдөртөө 24 хэмийн дулаан бол шөнөдөө 12 градус дулаан байх нь ээ. Мөн өдөртөө бага зэргийн бороо орох гэнэ.
- Билгийн тооллын 12, таван шар мэнгэтэй харагчин могой өдөр. Өнөөдөр үсээ авахуулах буюу засуулбал өвчин эмгэг ирэх гэнэ. Энэ өдөр үхэр, тахиа жилтнээ аливаа үйлийг хийхэд эерэг сайн, могой, морь жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2370.00 төгрөгтэй тэнцэж байгаа бол бусад валют болох рубль 40.60, юань 349.00, вон 2.05 төгрөг байна.
Өнөөдөр болох онцлох үйл явдлууд:
- 10.00-12.00 цагт Банк санхүүгийн академи болон Австрали Шинэ Зеландын Институт хамтран ажиллах санамж бичигт гарын үсэг зурах ёслол Монголын банкны холбооны байранд зохион байгуулагдана.
- 19.00 цагаас их Монгол цогцолборын 3 давхарт Теологич, хайрын инженер Н.Жавхлангийн "Аз жаргал түгээх илтгэл" болох гэж байна.
- “Азийн 23 хүртэлх насны АШТ”-ий урьдчилсан шатанд өрсөлдөх Монголын залуучуудын шигшээ баг нэгдсэн бэлтгэл хийхээр БНСУ-ыг зорино.
- Монгол Улсын Статистикийн салбарын дунд хугацааны хөтөлбөр болон Тогтвортой хөгжил-2030 хөтөлбөрийг танилцуулах сургалт, семинар Хууль зүйн үндэсний хүрээлэнгийн 3 давхарт болно.
Энэ өдөр дэлхийн түүхэнд:
- Өнөөдөр бол Алжир улсын Тусгаар тогтносон өдөр.
- Мөн өнөөдөр Армен улсын Үндсэн хуулийн өдөр тохиож байгаа юм байна.
- 1989 оны энэ өдөр Америкийн дуучин, гитарчин, ая зохиогч Joseph King мэндэлжээ.
- 2012 онд Европын хамгийн өндөр барилга болох Лондонгийн 310 метр өндөр "The Shard" нээгджээ.
- 2006 онд Хойд Солонгос дөрөв дэх богино хугацааны пуужингаа туршжээ.
- 2004 онд Индонезийн ерөнхийлөгчийн анхны сонгууль явагджээ.
