7 дугаар сарын 04-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 185 дахь өдөр бөгөөд он дуусахад 180 хоног үлдлээ.
- Цаг агаар өдөртөө 25 хэмийн дулаан бол шөнөдөө 15 градус дулаан байх нь ээ. Мөн өдөртөө бага зэргийн бороо орох гэнэ.
- Билгийн тооллын 11, зургаанц цагаан мэнгэтэй хар луу өдөр. Өнөөдөр үсээ авахуулах буюу засуулбал эрхтэн хурц болох гэнэ. Энэ өдөр хулгана жилтнээ аливаа үйлийг хийхэд эерэг сайн, бич, тахиа жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2357.00 төгрөгтэй тэнцэж байгаа бол бусад валют болох рубль 40.50, юань 348.30, вон 2.06 төгрөг байна.
Өнөөдөр болох онцлох үйл явдлууд:
- ЭХЭМҮТ-н эмч мэргэжилтнүүд 12.00 цагт "цаг үеийн асуудлаар" мэдээлэл өгнө.
- Монгол Улсын Статистикийн салбарын дунд хугацааны хөтөлбөр болон Тогтвортой хөгжил-2030 хөтөлбөрийг танилцуулах сургалт Хууль зүйн үндэсний хүрээлэнгийн 3 давхарт болно.
- Монгол Улсын Ерөнхийлөгчийн санаачилга, Ерөнхийлөгчийн Тамгын газрын дэмжлэгээр хэвлүүлсэн “ЭРМИТАЖ ДАХЬ НОЁН УУЛЫН ЭРДЭНЭС”, “ИРАН ДАХЬ МОНГОЛ ӨВ СОЁЛ” номын нээлтийн ёслол Ерөнхийлөгчийн дэргэдэх Иргэний танхимд 14.00 цагт болно.
- 12.00 цагаас Монгол Ньюс ХХК-ний байранд Монголын Соёл Яруу Найргийн Академи нь дэлхийн 50 орны 200 гаруй нэрт яруу найрагч, зохиолч, нийтлэлч, орчуулагч, урлаг соёлын зүтгэлтэнүүд оролцох “Дэлхийн яруу найргийн өдрүүд”-ийг 8-р сарын 16-22-ны өдрүүдэд Монгол улсад анх удаа зохион байгуулах гэж байгаа талаар мэдээлнэ.
- 11.00 цагт BLUE SKY зочид буудлын 3 давхарт Ерөнхийлөгчийнзамнал.мн цахим хуудасны нээлт, 8 жилийн ажлын тайлангийн арга хэмжээ болно.
- Монголын Банкны Холбоо болон Солонгосын Банкны хамтран “Монгол-Солонгосын Санхүүгийн хамтын ажиллагааны форум”-ыг хоёр дахь жилдээ Улаанбаатар хотноо зохион байгуулах гэж байна. Форум 09.00 цагт Туушин зочид буудалд эхлэх юм.
- Монгол-Японы Засгийн газар, хувийн хэвшлийн худалдаа, хөрөнгө оруулалтын ээлжит 8 дугаар зөвлөлдөх уулзалт ГХЯ-ны Зөвшилцөл танхимд болно.
Энэ өдөр дэлхийн түүхэнд:
- 1776 онд Америкийн удирдагч Жорж Вашингтон Тусгаар тогтнолын бичиг баримтад гарын үсэг зурсан байна. Үүнээс хойш АНУ-ын тусгаар тогтнолын өдөр хэмээн тэмдэглэдэг болжээ
- 1829 онд Англид нийтийн тээврийн үйлчилгээнд анх удаа Автобус үйлчилж эхэлсэн байна.
- 1848 онд Карл Маркс болон Фридрих Энгельс нар Коммунист Манифестогоо хэвлүүлж байжээ.
- 1884 онд Францын ард түмэн Америкийн ард түмэнд Эрх чөлөөний хөшөөг бэлэглэсэн байна.
- 1906 онд Их Британи, Франц болон Итали улсууд нь албан ёсоор Эфиопийн Бүгд Найрамдах Улсыг хүлээн зөвшөөрсөн байна.
- 1946 онд Филипины арлууд энэ өдөр АНУ-аас тусгаар тогтнолоо олж авсан байна.
