7 дугаар сарын 03-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 184 дахь өдөр бөгөөд он дуусахад 181 хоног үлдлээ.
- Цаг агаар өдөртөө 28 хэмийн дулаан бол шөнөдөө 17 градус дулаан байх нь ээ. Мөн өдөртөө бага зэргийн бороо орох гэнэ.
- Билгийн тооллын 10, долоон улаан мэнгэтэй цагаагчин туулай өдөр. Өнөөдөр үсээ авахуулах буюу засуулбал эрч хүч ихсэх гэнэ. Энэ өдөр хонь, гахай жилтнээ аливаа үйлийг хийхэд эерэг сайн, бар, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2358.00 төгрөгтэй тэнцэж байгаа бол бусад валют болох рубль 40.40, юань 348.50, вон 2.07 төгрөг байна.
Өнөөдөр болох онцлох үйл явдлууд:
- 10.00-12.00 цагт УУХҮЯ дээр Засгийн газар хоорондын форум болно.
- Их, дээд сургуулиудын элсэлт үргэлжилж байна.
- 11.40 цагаас Улсын Ерөнхий прокурорын газрын 3 давхрын хурлын танхимд "Прокурорын хууль" хүлээж авах ёслолын арга хэмжээ болно.
- ХМЗ-ийн Сонин, сэтгүүл, сайтын зүйн хорооны ээлжит бус хуралдаан болно.
- Ампер хаусын хурлын танхимд 14.00 цагт Азийн охидын "ЭРХ МЭДЛИЙН ЗУСЛАН" арга хэмжээ нээлтээ хийнэ.
- 10.00 цагт ХУД буюу Зайсангийн эцэст байрлах Баривчлах ял эдлүүлэх 431 дүгээр анги дээр Эрх зүйн шинэтгэлийн хүрээнд шинээр батлагдсан Эрүүгийн хууль 2017 оны долдугаар сарын 01-ний өдөр хэрэгжиж эхэлсэнтэй холбогдуулан тус хуульд заасан ялын тэгшитгэлийг зохион байгуулна.
- МҮХАҮТ, Замын үүд чөлөөт бүсийн захирагчийн ажлын албатай хамтран ажиллах санамж бичигт гарын үсэг зурах ажиллагаа 11.00 цагт МҮХАҮТ-ын 403 тоот хурлын танхимд болно.
Энэ өдөр дэлхийн түүхэнд:
- Өнөөдөр Мьянмар улсад Эмэгтэйчүүдийн эрхийг хамгаалах өдөр тохиож байна.
- 1989 оны энэ өдөр Америкийн алдарт дуучин, жүжигчин Elle King мэндэлжээ.
- Мөн 1962 оны энэ өдөр Америкийн алдарт жүжигчин, Холливудын од Том Круз мэндэлжээ.
- 1890 онд Америкийн Нэгдсэн Улсын Баруун Хойд Номхон Далайн бүс нутаг оршдог муж улс болох Айдахо муж АНУ-ын 43 дахь муж улс болон нэгджээ.
