6 дугаар сарын 26-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 180 дахь өдөр бөгөөд он дуусахад 185 хоног үлдлээ.
- Цаг агаар өдөртөө 32 хэмийн дулаан бол шөнөдөө 19 градус дулаан байх нь ээ.
- Билгийн тооллын 6, хоёр хар мэнгэтэй улаагчин гахай өдөр. Өнөөдөр үсээ авахуулах буюу засуулбал өнгө зүс сайжрах гэнэ. Энэ өдөр туулай жилтнээ аливаа үйлийг хийхэд эерэг сайн, үхэр, луу, хонь, нохой жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2353.00 төгрөгтэй тэнцэж байгаа бол бусад валют болох рубль 40.50, юань 346.50, вон 2.07 төгрөг байна.
Өнөөдөр болох онцлох үйл явдлууд:
- МУЭ-ийын шагналт Л.Гантөмөр, МУЭ-ийн шагналт, СТА Ө.Дарамбазар, шавь, МҮХАҮТ-ын Удирдах зөвлөлийн дарга бөгөөд Ерөнхийлөгч Б.Лхагважав нарын хамтарсан "Аялгуут солир III" уран зургийн үзэсгэлэн МУЭ-ийн Арт галлерейд 17.00 цагт болно.
- “2017 оны Баялгийн засаглалын индекс”-ийг танилцуулах хэвлэлийн бага хурал 10.30 цагт Нээлттэй нийгэм форумын хурлын танхимд болно.
- 09.00 цагт "Туушин Премьер" зочид буудалд Монгол Оросын Төв банк хоорондын дугуй ширээний уулзалт болно.
- 12.00 цагт Төрийн ёслол хүндэтгэлийн А танхимд Шилдэг залуу эмчид Ерөнхийлөгчийн нэрэмжит шагнал гардуулах ёслол болно.
- 11.00 цагт Шүүхийн ерөнхий зөвлөлөөс Монгол Улсын Ерөнхийлөгчийн зарлигаар батлагдсан “Шүүгч сонгон шалгаруулах шинэчилсэн журам”-ын талаар хэвлэлийн бага хурал хийнэ.
- 10.00 цагт Шадар сайдын өрөөнд Баяр наадмын комиссын ээлжит хуралдаан болно.
Энэ өдөр дэлхийн түүхэнд:
- Өнөөдөр бол Голланд улсын Цагаан хоолны өдөр юм байна.
- Мөн өнөөдөр Эквадор улсад Инженерүүдийн баярын өдөр тохиож байгаа аж.
- 1979 оны энэ өдөр Английн хөлбөмбөгч Andy O'Brien мэндэлжээ.
- Мөн 1978 оны энэ өдөр Америкийн алдарт дуучин, Pussycat Dolls хамтлагийн ахлагч байсан Nicole Scherzinger мэндэлжээ.
- 2007 онд Apple корпораци анхны Iphone утсаа олон нийтэд танилцуулжээ.
