6 дугаар сарын 26-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 177 дахь өдөр бөгөөд он дуусахад 188 хоног үлдлээ.
- Цаг агаар өдөртөө 33 хэмийн дулаан бол шөнөдөө 18 градус дулаан байх нь ээ.
- Билгийн тооллын 3, таван шар мэнгэтэй хөх бич өдөр. Өнөөдөр үсээ авахуулах буюу засуулбал эд мал баялаг төгөлдөр болох гэнэ. Энэ өдөр хулгана, луу жилтнээ аливаа үйлийг хийхэд эерэг сайн, үхэр, хонь, нохой жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2360.00 төгрөгтэй тэнцэж байгаа бол бусад валют болох рубль 40.50, юань 346.00, вон 2.09 төгрөг байна.
Өнөөдөр болох онцлох үйл явдлууд:
- Монгол Улсын Ерөнхийлөгчийн ээлжит сонгууль 07.00-22.00 цагийн хооронд улс орон даяар явагдана.
- Монгол Улсын Ерөнхийлөгч Ц.Элбэгдорж 11.40 минутад Монгол-Оросын гуравдугаар сургуульд байрлах санал авах байранд очиж саналаа өгнө.
- УИХ-ын дарга М.Энхболд 09.30 цагаас 23 дугаар сургууль дээр сонгуулийн санал өгнө.
- Ерөнхий сайд Ж.Эрдэнэбат сонгуулийн саналаа 11.40 цагт "Шинэ монгол" дунд сургуулиас урагшаа Номноо хотхонд байрлах 1731-р хэсэг дээр өгнө.
- 11.30 цагт Монгол Улсын Ерөнхийлөгчийн сонгуульд нэр дэвшигч Х.Баттулга Сансарын клонкийн урд 48 дугаар сургууль дээр очиж саналаа өгнө.
- 12.00 цагт АН-ын дарга С.Эрдэнэ Баянгол дүүргийн Улаанбаатар өртөөн дээр очиж саналаа өгөх юм байна.
- Ерөнхийлөгчийн сонгуульд нэр дэвшигч С.Ганбаатар 84 дүгээр сургууль дээр саналаа өгнө.
Энэ өдөр дэлхийн түүхэнд:
- Өнөөдөр хар тамхи, мансууруулах бодис болон хүний наймааны эсрэг олон улсын өдөр тохиож байна.
- Мөн Эрүү шүүлтийн хохирогчдын эрхийг хамгаалах олон улсын өдөр тохиож байгаа аж.
- 1993 оны энэ өдөр Америкийн дуучин Ariana Grande мэндэлжээ.
- 2004 онд Уlafur Ragnar Grнmsson Исланд Улсын Ерөнхийлөгчөөр дахин сонгогдож байжээ.
