Өнөөдрийн тухай таны мэдэх ёстой 15 зүйл: Монголд анх удаа хамгийн өндөр дүнтэй компанийн бонд арилжаалагдана

6 дугаар сарын 23-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 174 дахь өдөр бөгөөд он дуусахад 191 хоног үлдлээ.
2. Цаг агаар өдөртөө 28 хэмийн дулаан бол шөнөдөө 12 градус дулаан байх нь ээ.
3. Билгийн тооллын 29, найман цагаан мэнгэтэй цагаагчин могой өдөр. Өнөөдөр үсээ авахуулах буюу засуулбал сүлд тэнэж одох гэнэ. Энэ өдөр үхэр, тахиа жилтнээ аливаа үйлийг хийхэд эерэг сайн, луу, хонь, нохой жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
4. Манай улсын голлох валют болох ам.долларын ханш 2363.00 төгрөгтэй тэнцэж байгаа бол бусад валют болох рубль 40.20, юань 346.80, вон 2.08 төгрөг байна.

Өнөөдөр болох онцлох үйл явдлууд: 

1. MN-Мэдээллийн төвд 11.00 цагаас Хүний эрхийн төлөө иргэний нийгмийн байгууллагуудын нэгдлээс “Иргэдэд хандах иргэний нийгмийн үг” сэдвээр хэвлэлийн бага хурал зарлалаа. 
2. MN-Мэдээллийн төвд 11.30 цагаас Монголын хөрөнгийн зах зээлийн түүхэнд анх удаа хамгийн өндөр дүнтэй компанийн бонд арилжаалагдах гэж байна. Энэ талаар “Сүү” ХК, “Голомт капитал”, “Тэнгэр капитал”, “Ард капитал” ХХК хамтран мэдээлэл хийнэ.
3. 11.00 цагаас Оюуны өмч, улсын бүртгэлийн ерөнхий газраас сонгогчдын нэрийн жагсаалттай холбоотой асуудлаар хэвлэлийн бага хурал зарлалаа. Хурал ОӨУБЕГ-ын төв байранд /Цэцэг төвийн ард/ болно.
4. Зууны мэдээ сонины Үндэсний мэдээллийн төвд 13.00 цагт Италийн алдартай удирдаач Якобо Сипари Ди Пeскассэрoли-гийн xөгжмийн удирдлагын дор Россинигийн “Үнсгэлжин” дуурийг ДБЭТ-ын тайзнаа Улсын Филармоны Симфони найрал xөгжимтэй xамтран зохион байгуулах талаар мэдээлэл хийнэ.
5. Нийслэлийн хог хаягдлын 90 хувийг устгах 150 сая ам.долларын хөрөнгө оруулалт бүхий “Эко Парк” төслийн шав тавих ёслол Нарангийн энгэрт 12.00 цагт болно. 
6. "Буянт-Ухаа-2" хорооллын 230 дугаар цэцэрлэгийн нээлт 11.00 цагт цэцэрлэгийн байранд болно. 
7. 12.00 цагт ЗӨСҮТ-д “Тарваган тахал өвчний хариу арга хэмжээ” сэдэвт хээрийн иж бүрэн үзүүлэх сургуулийг зохион байгуулах гэж байна. 
8. 10.00 цагт Хангарди ордны 14 давхрын хурлын зааланд газар эзэмших эрхийг нээлттэй дуудлага худалдааг зохион байгуулна.

Энэ өдөр дэлхийн түүхэнд: 

1. Өнөөдөр бол НҮБ-ын Сайн дурынхны олон улсын өдөр.
2. 2014 онд Сирийн зарласан хамгийн сүүлийн химийн зэвсгийг устгалд оруулжээ.
3. 1985 онд нэгэн террорист Ирландад газардсан Энэтхэгийн 182 дугаар агаарын нислэгийн Boeing 747 онгоцонд бөмбөг дэлбэлж, 329 хүний амь насыг хороожээ.