Өнөөдрийн тухай таны мэдэх ёстой 15 зүйл: Дэлхийн шилдэг 5 дуучны нэгээр тодорсон МУГЖ Г.Ариунбаатар эх орондоо ирлээ

6 дугаар сарын 22-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 173 дахь өдөр бөгөөд он дуусахад 192 хоног үлдлээ.
2. Цаг агаар өдөртөө 25 хэмийн дулаан бол шөнөдөө 11 градус дулаан байх нь ээ. Мөн өдөртөө бага зэргийн бороо орох гэнэ.
3. Билгийн тооллын 28, есөн улаан мэнгэтэй цагаан луу өдөр. Өнөөдөр үсээ авахуулах буюу засуулбал хэрүүл тэмцэл ирэх гэнэ. Энэ өдөр хулгана, бич жилтнээ аливаа үйлийг хийхэд эерэг сайн, үхэр, луу, хонь, нохой жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
4. Манай улсын голлох валют болох ам.долларын ханш 2362.00 төгрөгтэй тэнцэж байгаа бол бусад валют болох рубль 40.80, юань 346.50, вон 2.07 төгрөг байна.

Өнөөдөр болох онцлох үйл явдлууд: 

1. Их британи, Умард ирландын нэгдсэн вант улсын Уэлсийн нийслэл Кардиф хотноо зохион байгуулагдсан "BBC Cardiff Singer of the World-д тэргүүн байр эзэлж, дэлхийн шилдэг 5 дуучны нэгээр тодорсон Чингис хаан одонт, МУГЖ Г.Ариунбаатар 08.00 цагт Цагдаагийн Сүлд чуулгаас хүндэтгэл үзүүлнэ.
2. MN-Мэдээллийн төвд 12.00 цагаас Хар тамхины эсрэг эцэг эхчүүдийн нэгдсэн холбооноос “Хүү нь ухаарсан аян”-ы талаар хэвлэлийн бага хурал зарлалаа.
3. Зууны мэдээ сонины Үндэсний мэдээллийн төвд 11.00 цагаас Дархан-Уул аймгийн хувьчлагдсан барилгуудын талаарх "но"-той асуудлаар орон нутгийн иргэд хэвлэлийн хурал зарлалаа.
4. Зууны мэдээ сонины Үндэсний мэдээллийн төвд 11.30 цагаас "Хөвсгөл нутгаа хамгаалъя" ТББ-аас Эрдэнэт-Овоотын чиглэлийн төмөр замын төсөл, лиценз олголтын хууль зөрчсөн үйлдлийн талаар мэдээлэл хийнэ.
5. Эрдэс баялгийн салбар дахь ГЭРЭЭНИЙ ИЛ ТОД БАЙДЛЫГ хангах хүрээнд WWW.ILTODGEREE.MN цахим санг танилцуулах, нээх, талууд УУХҮЯ-тай хамтран ажиллах санамж бичигт гарын үсэг зурах ёслолын ажиллагаа 10.00 цагт УУХҮЯ-ны 2 давхрын хурлын танхимд болно.
6. Барилгын салбарт үйл ажиллагаа эрхлэгчид одоо ямар нөхцөл байдалтай байна вэ? Үүний шалтгаан юу байсан бэ? Бид сэргийлж чадах байсан уу? Цаашид ийм байдлаас хэрхэн сэргийлэх вэ? зэрэг асуултанд судалгаа, шинжилгээний үр дүнгээр илэрхийлж, хариулт өгөх форум 14.00 цагт МҮХАҮТ-ын хурлын танхимд зохион байгуулагдана.

Энэ өдөр дэлхийн түүхэнд: 

1. Сүмогийн 61 дахь ёкозүна Хокүтоүми Нобүёши 1963 оны энэ өдөр мэндэлжээ.
2. Өнөөдөр Эл Салвадорт Багш нарын баяр тохиож байна.
3. 1987 оны энэ өдөр "Boys over flowers", "Хотын ангууч" зэрэг олон киногоороо алдаршсан БНСУ-ын алдарт жүжигчин И Мину (Lee Minho) мэндэлжээ.
4. 2009 онд Вашингтонд өмнө зүгийг чиглэж явсан метро галт тэрэг суудлын галт тэрэгтэй мөргөлдөж, 9 хүн газар дээрээ нас барж, 80 гаруй хүн гэмтжээ.
5. 1945 онд Японд 82 хоног үргэлжилсэн Окинавагийн цуст тулаан төгсгөл болжээ.