Өнөөдрийн тухай таны мэдэх ёстой 15 зүйл: Монголбанк болон Солонгосын Төв банк хамтран ажиллана

6 дугаар сарын 21-ний өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 172 дахь өдөр бөгөөд он дуусахад 193 хоног үлдлээ.
2. Цаг агаар өдөртөө 23 хэмийн дулаан бол шөнөдөө 8 градус дулаан байх нь ээ. Мөн өдөртөө бага зэргийн бороо орох гэнэ.
3. Билгийн тооллын 27, нэг цагаан мэнгэтэй шарагчин туулай өдөр. Өнөөдөр үсээ авахуулах буюу засуулбал өлзийтэй сайн гэнэ. Энэ өдөр хонь, гахай жилтнээ аливаа үйлийг хийхэд эерэг сайн, могой, морь жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
4. Манай улсын голлох валют болох ам.долларын ханш 2360.00 төгрөгтэй тэнцэж байгаа бол бусад валют болох рубль 41.50, юань 347.00, вон 2.08 төгрөг байна.

Өнөөдөр болох онцлох үйл явдлууд: 

1. Бадминтоны олон улсын тэмцээний нээлтийн арга хэмжээ 13.00 цагаас болно.
2. Монголбанк нь БНСУ-ын Төв банкны Knowledge Partnership Program-ын хүрээнд “Монгол Улсын гадаад валютын захын тогтолцоо, дэд бүтцийг хөгжүүлэх нь” сэдэвт хөтөлбөрийг хамтран хэрэгжүүлэхээр болсон. Энэ хүрээнд 13.30 цагт Монголбанк болон Солонгосын Төв банкны төлөөлөл гэрээнд гарын үсэг зурах ёслол болно.
3. "Залуучууд судлал-2017" эрдэм шинжилгээний бага хурал Хөдөлмөр нийгмийн хамгааллын яамны 10 давхрын хурлын танхимд болно.
4. “Цахим засаглалаар дамжуулан хууль боловсруулах үйл явцад иргэдийн оролцоог нэмэгдүүлэх нь” төслийн хүрээнд "Хэвлэл мэдээллийн хэрэгслээр дамжуулан нөлөөллийг нэмэгдүүлэх нь" уулзалтыг сэтгүүлчдэд зориулан Төрийн ордонд зохион байгуулна. Уулзалт 10.00-12.00 цагийн хооронд болно.
5. 17.00 цагаас Богд хааны ордон музейд "Эд өлгийн барилдлага: Хаанс Лэдэрийн мөрөөр" үзэсгэлэн нээлтээ хийнэ.

Энэ өдөр дэлхийн түүхэнд: 

1. ЗХУ-ын хөгжмийн зохиолч, дуучин, хөгжимчин, жүжигчин, барималч, сийлбэрч,  "Кино" хамтлагийг үүсгэн зохион байгуулагч, ахлагч нь байсан Виктор Цой 1962 оны энэ өдөр мэндэлж байжээ.
2. Өнөөдөр Иогийн олон улсын өдөр тохиож байна.
3. Түүнчлэн хүмүүнлэг үзэлтний олон улсын өдөр тохиож байгаа аж.
4. 1987 оны энэ өдөр БНСУ-ын алдарт Super junior хамтлагийн дуучин, жүжигчин Kim Ryeowook мэндэлжээ.
5. 2013 онд амиа золиослогч Пакистанд бөмбөг тэсэлж, 15 хүний амийг авч оджээ. Мөн энэ үеэр 20 гаруй хүн бэртэж гэмтжээ.
6. 2006 онд Дэлхий ван гаригийн хамгийн сүүлд нээгдсэн 2 сарыг Nix болон Hydra хэмээн албан ёсоор нэрлэжээ.