6 дугаар сарын 16-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 167 дахь өдөр бөгөөд он дуусахад 198 хоног үлдлээ.
- Цаг агаар өдөртөө 25 хэмийн дулаан бол шөнөдөө 12 градус дулаан байх нь ээ. Мөн өдөртөө бага зэргийн бороо орох гэнэ.
- Билгийн тооллын 22, зургаан цагаан мэнгэтэй хөх нохой өдөр. Өнөөдөр үсээ авахуулах буюу засуулбал идээ ундаа элбэг олдох гэнэ. Энэ өдөр морь жилтнээ аливаа үйлийг хийхэд эерэг сайн, бар, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2371.00 төгрөгтэй тэнцэж байгаа бол бусад валют болох рубль 42.30, юань 350.00, вон 2.09 төгрөг байна.
Өнөөдөр болох онцлох үйл явдлууд:
- Монгол зөвлөхүүдийг олон улс хүлээн зөвшөөрч бүртгэж эхэллээ. 16.00 цагаас (М пплазад) Монгол зөвлөхүүд олон улсын зөвлөхийн үнэмлэх, цол, гэрчилгээгээ гардаж авна.
- 10.00 цагт Шангрила зочид буудал хурлын зааланд 20 гаруй орны 500-аад төлөөлөгчид оролцох "Элэгний С вирус ба хавсарсан халдварууд" АСЕМ Монгол Улсын Ерөнхийлөгчийн ивээл дор анх удаа зохион байгуулагдана.
- Эрүүл мэндийн хөгжлийн төв дээр 09.00-16.00 цагийн хооронд Биологийн идэвхт бодис оношлуурын шинжээчдийн сургалт болно.
- 11.00 цагт Хэвлэлийн хүрээлэнд Дэлхийн финтек салбарын хөгжил, амжиргааг дэмжсэн хэрэглээ, Уламжлалт банк санхүүгийн салбарт үүсэх шинэ өрсөлдөөн ба боломжууд зэрэг сэдвээр мэдээлэл хийнэ.
- Зүүн хойд Азийн аюулгүй байдлын асуудлаарх Улаанбаатарын яриа хэлэлцээ” олон улсын IV бага хурал энэ сарын 15-16-нд ГХЯ-ны “Зөвшилцөл” танхимд болж байна.
- Нэр дэвшигчдийн мэтгэлцээнд АН-ын нэр дэвшигч оролцох эсэх болон цаг үеийн бусад асуудлаар 11.00 цагаас АН-аас Төв шуудангийн урд талын байранд хэвлэлийн хурал зарлалаа.
- Улсын болон орон нутгийн чанартай автозамд гарч буй зам тээврийн осол, хэргийг бууруулах, урьдчилан сэргийлэх зорилгоор ХЗДХЯам, МУ-д Гэмт хэргээс урьдчилан сэргийлэх ажлыг зохицуулах зөвлөл, Цагдаагийн Ерөнхий газар хамтран “Орон нутгийн зам-Хөдөлгөөний соёл” аяныг эхлүүлж байна. Аяны нээлтийн үйл ажиллагаа Сонгинохайрхан дүүргийн нутаг хойд чиглэлийн замд шинээр байгуулагдсан Шалган нэвтрүүлэх товчоонд 11.40 цагт эхэлнэ.
Энэ өдөр дэлхийн түүхэнд:
- Өнөөдөр Өмнөд Африкийн Залуучуудын өдөр тохиож байна.
- Мөн Африкийн Хүүхдийн олон улсын өдөр өнөөдөр тохиож байгаа юм байна.
- 2012 онд БНХАУ 3 сансрын нисгэгчтэй Shenzhou 9 сансрын хөлгийг амжилттай хөөргөжээ. Сансрын нисгэгч дунд Хятадын хамгийн анхны эмэгтэй сансрын нисгэгч хөөрсөн байна.
