Өнөөдрийн тухай таны мэдэх ёстой 15 зүйл: Нээлттэй өдөрлөгөөр жолоочийн шалгалт авч, үнэмлэх олгоно

6 дугаар сарын 15-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 166 дахь өдөр бөгөөд он дуусахад 199 хоног үлдлээ.
2. Цаг агаар өдөртөө 25 хэмийн дулаан бол шөнөдөө 12 градус дулаан байх нь ээ. 
3. Билгийн тооллын 21, долоон улаан мэнгэтэй харагчин тахиа өдөр. Өнөөдөр үсээ авахуулах буюу засуулбал өвчин ирэх гэнэ. Энэ өдөр могой жилтнээ аливаа үйлийг хийхэд эерэг сайн, үхэр, луу, хонь, нохой жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
4. Манай улсын голлох валют болох ам.долларын ханш 2373.00 төгрөгтэй тэнцэж байгаа бол бусад валют болох рубль 42.30, юань 350.30, вон 2.08 төгрөг байна.

Өнөөдөр болох онцлох үйл явдлууд: 

1. 09.00-12.00 цагаас ОХУ-ын Эрхүү хотын Эрдэм шинжилгээний төвийн дарга, Оросын шинжлэх ухааны академийн академич В.Бычковыг БСШУС-ын сайд Г.Чулуунбаатар хүлээн авч уулзах ба Хими, химийн технологийн хүрээлэн, Ерөнхий болон сорилын биологийн хүрээлэн, Физик технологийн хүрээлэнд зочилж эко аялал хийнэ.
2. Монгол, Орос, Хятадын Худалдаа эдийн засгийн 13 дугаар нэгдсэн чуулга уулзалт зургадугаар сарын 15-16-нд Улаанбаатар хотноо зохиогдоно.
3. "Автотээврийн үндэсний төв" ТӨҮГ, Алтан боломж хөдөлмөр эрхлэлтийн нийтлэг үйлчилгээний төв хамтран Хэвлэлийн хүрээлэнгийн баруун талд ЭМОН БИЗНЕС ТӨВ, 1 давхар АЛТАН БОЛОМЖ хөдөлмөр эрхлэлтийн нийтлэг үйлчилгээний төвд 11.00 цагт "АЖЛЫН БАЙР-АМЬДРАЛЫН БАТАЛГАА" сэдэвт нээлттэй хаалганы өдөрлөгийг зохион байгуулна.
4. 14.00 цагт Мишээл экспо-д “Жижиг Дунд Үйлдвэрийн Бүтээгдэхүүн Үйлчилгээ, Технологи-2017” олон улсын үзэсгэлэнгийн нээлт болно. 
5. 09.00 цагаас МХЕГ дээр Биеийн тамир спортын газар МХЕГ хооронд хамтран ажиллах санамж бичигт гарын үсэг зурна.
6. 11.00 цагаас Монгол Улсын шадар сайдын өрөөнд ОБЕГ, БОАЖЯ, Ус цаг уурын орчны шинжилгээний газраас ойн хээрийн түймрийн талаар хамтарсан мэдээлэл өгнө.

Энэ өдөр дэлхийн түүхэнд: 

1. Өнөөдөр Итали улсын Инженерүүдийн баярын өдөр юм байна.
2. 1953 оны энэ өдөр БНХАУ-ын дарга Си Зиньпин мэндэлжээ.
3. 2013 онд Пакистанд автобусанд бөмбөг дэлбэрч, 25 орчим хүн амь насаа алдаж, 22 орчим хүн шархаджээ.
4. 2014 онд Пакистан Хойд Вазирастаны босогчдын эсрэг албан ёсоор цэргүүдийг дайчилжээ.
5. 1994 онд Израиль болон Ватикан хот дипломат харилцаа тогтоожээ.