Өнөөдөр гадаа 15 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Аравдугаар сарын 26-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 300 дахь өдөр бөгөөд он дуусахад 66 хоног үлдлээ.
- Цаг агаар өдөртөө 15 хэмийн дулаан бол шөнөдөө -3 градус хүйтэн байх нь ээ.
-
Билгийн тооллын 12, Бархасвадь гараг. Могойг хүлэгч одтой, улаагчин могой өдөр. Өдрийн наран 7 цаг 27 минутад мандан, 17 цаг 45 минутад жаргана. Тухайн өдөр тахиа жилтнээ аливаа үйлийг хийхэд эерэг сайн ба луу үхэр, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба сүм дуганыг сэргээх, газар лусын зан үйл хийх, өр барагдуулах, гэр бүрэхэд сайн. Ургаа мод таслах, газрын ам нээх, гөлөг тэжээхэд муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод баруун хойш мөрөө гаргавал зохистой. Үс шинээр үргээлгэх буюу засуулахад тохиромжгүй.
- Манай улсын голлох валют болох ам.долларын авах ханш 3452.00 төгрөг, зарах нь 3458.00 төгрөг байна. Харин рублийн авах ханш 35.50, зарах ханш 36.00, юанийн авах ханш 473.50, зарах ханш 474.50, вонийн авах ханш 2.59, зарах ханш 2.61 төгрөг байна.
Өнөөдөр болох онцлох үйл явдлууд:
- 08.30 цагт: “Новотел” зочид буудалд: Кибер аюулгүй байдлын талаарх “Кибер тусгаар тогтнол” форум болно.
- 09.00 цагт: Цэнгэг усны нөөц, байгаль хамгаалах төвд (Зайсанд): “Биологийн олон янз байдлыг хамгаалах, уур амьсгалын өөрчлөлтөд дасан зохицох” төслийн хэрэгжилтийг танилцуулна.
- 09.00-12.00 цагт: Эрүүл мэндийн салбар анх удаа үйлчилгээний стандарттай болж буй талаар зөвлөх сургалт болно. Утас: 8911-9482, 9612-1060, 8802-7947.
- 10.00 цагт: ОБЕГ-аас мэдээлэл хийнэ.
- 10.00 цагт: Гаалийн ерөнхий газраас гааль, тагнуул, цагдаагийн байгууллагаас авч хэрэгжүүлсэн тусгай ажиллагаа, дотоод хяналтын талаар мэдээлэл өгнө. утас: 9914-5985.
- 10.00 цагт: БХБЯ-наас улсын төсвийн хөрөнгө оруулалт, гадаадын зээл тусламжаар хэрэгжиж байгаа төслийн барилгуудад хийсэн төлөвлөгөөт хяналт шалгалтын талаар мэдээлнэ. Утас: 9923-9808.
- 11.30 цагт: “Монгол ньюс” мэдээллийн төвд: Хавдрын эмнэлгийн шинэ барилгын төсвийг батлахыг УИХ-ын гишүүдээс шаардаж, хавдрыг даван туулагчдын "Наран Ижий Заяа" холбооноос хэвлэлийн бага хурал хийнэ.
- 11.30 цагт: “ЗМ” сонины мэдээллийн төвд: Монголын Хөл бөмбөгийн холбооноос цаг үеийн асуудлаар мэдээлэл хийнэ.
Энэ өдөр дэлхийн түүхэнд:
- 1995 оны энэ өдөр NCT хамтлагын гишүүн Юүта (Накамото Юүта) мэндэлжээ.
- Өнөөдөр интерсекс буюу аль аль хүйсийн анхдагч ба дайвар шинж тэмдэгтэй төрсөн хүмүүсийн эрхийг хамгаалах өдөр тохиож байна.
- 1994 онд Иордан болон Израйл улс нар Энхийн гэрээнд гарын үсэг зуржээ.
- 1984 онд "Baby Fae" хэмээн нэрлэгдсэн зүрхний өвчтэй төрсөн бяцхан хүүд нохой сармагчны зүрхийг амжилттай шилжүүлэн суулгаж байжээ.
