“Чингис хаан” үндэсний музей өвлийн цагийн хуваариа гаргажээ. Эднийх ирэх оны тавдугаар сарын 14 хүртэл мягмараас бусад гарагт 09.00- 17.00 цагийн хооронд ажиллах аж. Тасалбарыг 16.00 цаг хүртэл худалдана. Хуулийн хүрээнд 0-16 насны хүүхдүүд музей үнэ төлбөргүй үздэг. Ахлах ангийнхан, оюутнууд, ахмад настнууд, хөгжлийн бэрхшээлтэй иргэдэд 15, том хүнд 30 мянган төгрөгөөр үйлчилдэг. Гадаадынхан мөн 30, харин хүүхдүүд нь 15 мянган төгрөгөөр үзэх боломжтой. Музейн мэргэжлийн тайлбарлагч авах бол тухай бүрт нэмэгдэл үнэ төлнө.
Түүнчлэн Монголын үндэсний музей өвлийн цагийн хуваарьтаа шилжжээ. Байнгын үзэсгэлэнгийн танхим нь өвлийн цагийн хуваарийн дагуу даваа гарагт хаалттай. Бусад өдөр 09.00-18.00 цагт ажиллана. Тасалбарыг 09.00-16.30 цагт борлуулах юм байна.
Бэлтгэсэн: Ж.Гэрэл
