Өнөөдөр Улаанбаатар хотод 26 хэм дулаан, үүлтэй. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Наймдугаар сарын 3-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 214 дахь өдөр бөгөөд он дуусахад 151 хоног үлдлээ.
- Цаг агаар өдөртөө 26 хэм дулаан, шөнөдөө 13 хэм дулаан байна.
- Билгийн тооллын 26, Гоё хүүхэн одтой, шар нохой өдөр. Тухайн өдөр бар, морь жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр худалдаа арилжаа хийх, бизнес эхлэх, хүү сангийн эх хатгах, эд агуурс авах, зээл авах, арвижуулах, дэлгэрүүлэх үйлийг эхлэх, лус тахих, хүүхэд үрчлэн авах, гэр байшингийн суурь тавихад сайн. Нүүдэл суудал хийх, хэрүүл тэмцэл хийх, цөөрөм байгуулахад муу. Үс шинээр үргээлгэх буюу засуулбал эд, эдлэл, идээ, ундаа олдоно хэмээжээ.
- Валют арилжааны төвд ам.долларын авах ханш 3468.00 төгрөг, зарах нь 3474.00 төгрөг байна. Харин рублийн авах ханш 36.00, зарах ханш 36.70, юанийн авах ханш 486.00, зарах ханш 488.00, вонийн авах ханш 2.64, зарах ханш 2.66 төгрөг байна.
Өнөөдөр болох онцлох үйл явдал:
-
08.00 цагт ХСҮТ-ийн элэг цөс нойр булчирхайн мэс заслын тасаг байгуулагдсаны 15 жилийн ойг угтан зохион байгуулж буй “Элэгний хавдрын мэс заслын 7 хоног" үйл ажиллагаа эхэлнэ.
-
09.30 цагт ШУА-д Манай улсад зохион байгуулж буй “Тархи судлалын 7 хоног”-гийн хүрээнд олон улсын сургалт эхэлж байна. Үндсэн “Салбар дундын тархи судлал-2023” олон улсын хурал энэ сарын 11-12-нд болно.
-
11.00 цагт БШУЯ-нд Монгол Улсын Ерөнхийлөгчийн ивээл дор энэ сарын 10-13-нд болох Монголч эрдэмтдийн их хурлын талаар мэдээлнэ. Энэ удаагийн эрдэмтдийн их хурлыг "МОНГОЛЫН ЭНХ ТАЙВАН БА ТҮҮХЭН ТУРШЛАГА" сэдвийн хүрээнд зохион байгуулах юм.
-
Монгол хэл бичгийн дахин шалгалтын бүртгэл явагдаж байна. Бүртгэл наймдугаар сарын 11 хүртэл үргэлжилнэ. Утас: 7011-9498.
Энэ өдөр дэлхийн түүхэнд:
- Өнөөдөр дэлхийн аавуудын өдөр тохиож байна.
- Blackpink хамтлагийн ойн өдөр. Тус хамтлаг 2016 оны энэ өдөр үүсгэн байгуулагдаж байжээ.
