Өнөөдөр гадаа 18 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Зургаадугаар сарын 2-ны өдөр
Өглөөд заавал мэдэж байх ёстой зүйлүүд:
1. Өнөөдөр бол жилийн 153 дахь өдөр бөгөөд он дуусахад 212 хоног үлдлээ.
2. Цаг агаар өдөртөө 18 хэмийн дулаан бол шөнөдөө 5 хэм дулаан байх нь ээ.
3. Билгийн тооллын 13, Онгоц одтой, цагаагчин туулай өдөр. Тухайн өдөр хонь, гахай жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр гэмтнийг шийтгэх, гарагийг тахих, мал аж ахуйн үйл, удирдлагын суудалд суух, огторгуйн үүдийг боох, их хүмүүнтэй уулзахад сайн. Газар хагалах, ус булгийн эх малтах, улаа гаргах, хиншүү хярвас гаргах, балгадын суурь тавих, нохой худалдан авахад муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод зүүн хойш мөрөө гаргавал зохистой. Үс шинээр үргээлгэх буюу засуулбал жаргал ирнэ.
4. Манай улсын голлох валют болох ам.долларын ханш авах нь 3443.00, зарах нь 3450.00 төгрөгтэй тэнцэж байгаа бол бусад валют болох рубль авах нь 41.70, зарах нь 42.50, харин юань авах нь 484.00, зарах нь 487.50, вон авах нь 2.60, зарах нь 2.62 төгрөг байна.
Өнөөдөр болох онцлох үйл явдлууд:
- -УИХ-ын чуулганы нэгдсэн хуралдаан болно.
- 11.00 цагт Цус сэлбэлт судлалын Үндэсний төвд: Сар бүрийн 3-ны цусаа бэлэглэх өдрийг угтан цусны донорын үйлсийг сурталчлах, тэднийг алдаршуулж урамшуулах 99 дэх удаагийн үйл ажиллагаа болно. Энэ удаагийн үйл ажиллагааг Монголын Үнэртэй усанд дурлагсдын клуб хамтран зохион байгуулна.
- 11.30 цагт Спортын төв ордонд: АБНУ-ын Сан Сити хотод болсон пауэрлифтингийн ДАШТ-ээс 5 алтан медаль хүртсэн баг, тамирчид мэдээлэл хийнэ.
- 11.00 цагт “Хангарди” ордонд: "Улаанбаатар марафон-2023" олон улсын гүйлтийн талаар хэвлэлийн хурал зарлалаа. Утас:9928-5651.
- 12.00 цагт "Гэгээн муза 17" олон улсын театрын наадам 2023 оны 9 дүгээр сарын 7-17-ны хооронд Улаанбаатар хотноо зохион байгуулах гэж байгаатай холбогдуулан мэдээлэл өгнө.
- 15.00 цагт Нийслэлийн Биеийн тамир, спортын газраас "Улаанбаатар марафон-2023" олон улсын гүйлтийн 42 км 195 м, 21 км 095 м, 10000 м-ийн зайд оролцох гадаад, дотоодын тамирчид, гүйгчдэд зориулсан Техникийн зөвлөгөөн болно. Утас: 9928-5651.
- 14.00 цагт Төв цэнгэлдэх хүрээлэнд: "Хурд" хамтлагаас "Хурд-30" хэвлэлийн бага хурал зарлалаа. Утас: 9542-0744, 8808-4392.
Энэ өдөр дэлхийн түүхэнд:
- 455 - Одоогийн Германы нутагт оршин тогтнож байсан бүдүүлгүүд Ром хотод халдан довтолж хоёр долоо хоногийн турш тонон дээрэмджээ.
- 1098 - Загалмайтны анхдугаар аян дайн: Антиохын анхдугаар бүслэлт эцэслэж Загалмайтнууд тус хотод нэвтрэв. Тав хоногийн дараа дахин бүсэлсэн билээ.
- 1615 - Одоогийн Канадын Квебек хотод Францын шашны сурталтнууд анх удаа нэвтрэв.
- 1692 - Колонийн Массачусетсийн Салем хотод номлогч Бриджетийг шулмын шидтэй гэж үзэн дүүжлэн хороов. Ингэснээр колонийн Америкийн нутаг дэвсгэрт энэ шалтгаанаар дүүжилсэн анхны тохиолдол болсон юм.
- 1793 - Францын хувьсгал: Парисын Үндэсний хамгаалах хорооны тэргүүн Франсуа Энрио нарын 22 хүнийг баривчлав.
- 1805 - Напопеоны дайн: Франц-Испанийн цэргийн эсвэл Их Британийн мэдэлдж байсан Очир эрднийн уулсыг дахин эзлэв. Тулаанд Британийн цэргүүд ялагдал хүлээж, бууж өгсөн билээ.
- 1835 - Нэрт циркчин, хожмын улстөрч П.Т.Барнумын нүүдлийн цирк АНУ даяар аялан тоглолтоо эхлүүлэв.
- 1848 - Славян гаралтай улс орнуудын анхны зөвлөгөөн Чехийн Прага хотноо болов.
- 1896 - Нэрт зохион бүтээгч Гугльелмо Маркони утасгүй цахилгаан холбооны нээлтдээ зохиогчийн эрх авчээ.
