Өнөөдөр гадаа 14 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Тавдугаар сарын 26-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 146 дахь өдөр бөгөөд он дуусахад 219 хоног үлдлээ.
- Цаг агаар өдөртөө 14 хэмийн дулаан бол шөнөдөө 2 хэм дулаан байх нь ээ.
- Билгийн тооллын 7, Үнэг одтой хөх бич өдөр. Тухайн өдөр хулгана, луу жилтнээ аливаа үйлийг хийхэд эерэг сайн ба бич тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эе эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, сүм дуганыг сэргээх, бүжиг наадам хийх, цэцэрлэг байгуулах, хур оруулах, дархны үйлд сайн. Хувцас эсгэх, шинэ хувцас өмсөх, зөвлөгөө хийх, гөлөг тэжээхэд муу. Тэрсүүд өдөр. Үс шинээр үргээлгэх буюу засуулахад тохиромжгүй.
- Манай улсын голлох валют болох ам.долларын ханш авах нь 3448.00, зарах нь 3453.00 төгрөгтэй тэнцэж байгаа бол бусад валют болох рубль авах нь 42.70, зарах нь 43.20, харин юань авах нь 490.00, зарах нь 492.00, вон авах нь 2.61, зарах нь 2.63 төгрөг байна.
Өнөөдөр болох онцлох үйл явдлууд:
- 09.30 цагт “Чингис хаан”-ы музейд: “МУБИС-ийн багш бэлтгэх хөтөлбөрийн шинэчлэл” сэдэвт хэлэлцүүлэг болно.
- 10.00 цагт ЗТХЯ-нд: Тавантолгой-Гашуунсухайт чиглэлийн төмөр замыг БНХАУ-ын Ганцмод боомттой холбох хил холболтын төмөр замын ТЭЗҮ, барилгын ажлын зураг төслийг боловсруулах гэрээнд гарын үсэг зурах ёслол болно.
- Ёслолын дараа залгуулад 10.30 цагт ЗТХ-ийн сайд С.Бямбацогт ИНЕГ-аас урьд нь олгож ирсэн сургалтын тэтгэлгийн мэдээллийг олон нийтэд ил болгож буйгаа зарлана. Утас: 8805-7167.
- 10.00 цагт ЦХХХ-нд: Тус яамны сайд Н.Учрал Байгаль орчин, уур амьсгалын сан, Шинжлэх ухаан, технологийн сан, Гэмт хэргийн хохирогчид нөхөн төлбөр олгох сан, Кино урлагийг дэмжих сан, Хилийн чанадад байгаа Монгол Улсын иргэдэд туслах сангийн талаар мэдээлнэ. Утас: 9910-3830.
- 11.00 цагт ХӨСҮТ-өөс улаанбурхан өвчлөлийн нөхцөл байдал, нэмэлт дархлаажуулалтын талаар мэдээлнэ. Мөн зарим БЗДХ өвчлөлийн талаар мэдээлэл өгнө. Утас:8964-7777.
- 11.00 цагт Д.Сүхбаатарын талбайд: Номын баяр “Илүү ихийг уншья” уриан дор эхэлнэ.
Энэ өдөр дэлхийн түүхэнд:
- Өнөөдөр Данийн вант улсын Фредерик Хунтайжийн төрсөн өдөр тохиож байна.
- Мөн өнөөдөр Польш улсад Ээжүүдийн баяр тохиож байгаа юм байна.
- 1972 онд Виландра үндэсний цэцэрлэгт хүрээлэн Австралид нээгджээ.
- 2008 онд БНХАУ-д болсон хүчтэй үерийн улмаас 148 хүн амь насаа алдаж, 1.3 сая иргэнийг нүүлгэн шилжүүлж байжээ.
