Өнөөдөр гадаа 21 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
5 дугаар сарын 09-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 129 дахь өдөр бөгөөд он дуусахад 236 хоног үлдлээ.
- Цаг агаар өдөртөө 21 хэмийн дулаан бол шөнөдөө 8 хэм дулаан байх нь ээ.
- Билгийн тооллын 19, Гар одтой, улаагчин туулай өдөр. Тухайн өдөр хонь, гахай жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр элдэв үйлд хянуур хандах хэрэгтэй ба ан гөрөө хийх, мал, адгуус муулах, лусыг тахих, мал аж ахуйн үйл, удирдлагын суудалд суух, огторгуйн үүдийг боох, их хүмүүнтэй уулзахад сайн. Сэтгэлд сэвтэй газар очих, газар хагалах, ус булгийн эх малтах, балгадын суурь тавих, нохой худалдан авахад муу. Үс шинээр үргээлгэх буюу засуулбал "Сайн нөхөртэй учирах" сайн хэмээжээ.
- Манай улсын голлох валют болох ам.долларын авах ханш 3461.00, зарах нь 3467.00 төгрөгтэй тэнцэж байгаа бол бусад валют болох рублийн авах нь 43.00, зарах нь 43.70, юань авах ханш 503.00, зарах нь 504.50, вон авах нь 2.64, зарах нь 2.66 төгрөг байна.
Өнөөдөр болох онцлох үйл явдлууд:
-
08.30 цагт “Тогтвортой хөгжлийн төлөө” сэтгүүлчдийн клубээс “Эрчим хүчний бодит өртөг, хэрэглээ, хэрэгцээ” сэдвээр Эрчим хүчний зохицуулах хороотой хамтарсан өглөөний уулзалт зохион байгуулна.
-
10.00 цагт Төрийн ордонд УИХ-ын ажлын хэсгүүд хуралдана.
-
11:00 цагт Чойжин ламын сүм музейд Соёлын өвийн хадгалалт хамгаалалт, засвар үйлчилгээ, орчин нөхцөл, шинээр барих сан хөмрөг, лабораторийн талаар хэвлэлийн бага хурал болно. Утас: 9191-9383, 9191-2661.
“ЗМ” сонины мэдээллийн төвд:
4. 11:00 цагт “Иргэн бол хүч” залуусын санаачилгаас Үндсэн хуулийн өөрчлөлтийн талаар УИХ-д шаардлага хүргүүлнэ.
5. 11:30 цагт Иргэдийн төлөөллөөс УИХ-ын гишүүдийн тоог нэмэхийг эсэргүүцэж мэдээлэл хийнэ.
6. 12.00 цагт Хэвлэлийн хүрээлэнд: Говь-Алтай аймгийн Засаг дарга, ИТХ-ын гишүүд хууль зөрчсөн асуудлаар ИТХ-ын тэргүүлэгч, зарим төлөөлөгч мэдээлэл хийнэ.
"Хангарди" ордонд:
7. 12:00 цагт Улаанбаатар марафон, автомашингүй өдрийн зохион байгуулалтын талаар мэдээлнэ. Утас: 88061393.
8. 13:00 цагт Зайсангийн замаар том оврын тээврийн хэрэгсэл зорчуулахыг хориглох талаар мэдээлнэ. Утас: 89755575
9. 13:00 цагт МҮЭ-ийн Соёлын төв ордонд Шилдэг сувилагч, эмнэлгийн ажилтнуудад шагнал гардуулж, алдаршуулж, талархал илэрхийлэх ёслолын үйл ажиллагаа болно. Утас: 9101-4101.
10. 18.00 цагт “Монгол Арт галерей"-д Яруу найрагч А.Лхагвын “Монгол зураачид-2023” номын нээлт, зураач, урчуудын нэгдсэн үзэсгэлэн нээгдэнэ.
Энэ өдөр дэлхийн түүхэнд:
- Европын холбооны өдөр тохиож байна.
- Мөн Ялалтын баярын өдөр юм.
- 2018 онд Малайз улс 1957 онд тусгаар тогтносноос хойш Засгийн эрхийг атгаж байсан Барисаны Үндэсний нэгдэл нам ялагдал хүлээж олонхийн суудлаа алдав.
- 2015 онд ОХУ Аугаа эх орны дайны ялалтын 70 жилийн ойг ёслол төгөлдөр тэмдэглэв. Ялалтын баярын парадад дэлхийн 10 улсын төрийн тэргүүн, 1300 цэргийн алба хаагч, ОХУ-ын армийн 500 мянган цэрэг оролцсон байна. Ялалтын баярын парадыг Орос орон даяар 12 сая хүн үзэж сонирхжээ.
- 1979 онд Иран улсын бизнесмен еврей гаралтай Хабиб Элганианыг олон нийтийг улс орноосоо урвахыг өдөөн турхирсан хэргээр Тегран хотноо цаазаар авчээ. Тэрээр Иран улсад амьдардаг 100 мянга гаруй еврей иргэдийг Израйль улс руу дүрвэн гарахыг уриалж байсан нэгэн юм.
- 1970 онд Вьетнамын дайн: АНУ-ын "Цагаан ордон"-ы гадаа дайныг эсэргүүцсэн 75-100 мянган хүний жагсаал болжээ.
- 1964 онд Бүгд найрамдах Вьетнам улсын анхны Ерөнхийлөгч Нго Дин Диемийн дүү Нго Дин Чаныг цаазаар авчээ. Ингэснээр түүний гэр бүлийнхэн дахиж Вьетнамын улстөрд гараагүй билээ.
