Өнөөдөр гадаа 11 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
5 дугаар сарын 02-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 122 дахь өдөр бөгөөд он дуусахад 243 хоног үлдлээ.
- Цаг агаар өдөртөө 11 хэмийн дулаан бол шөнөдөө 2 хэм дулаан байх нь ээ.
- Билгийн тооллын 13, Тугчин одтой, цагаагчин тахиа өдөр. Тухайн өдөр үхэр жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба угаал үйлдэх, хагалгаа хийлгэх, гэр бүрэхэд сайн. Мод суулгах, нарийн зөвөлгөөн хийхэд муу. Үс шинээр үргээлгэх буюу засуулбал жаргал ирнэ.
- Манай улсын голлох валют болох ам.долларын ханш авах нь 3497.00, зарах нь 3472.00 төгрөгтэй тэнцэж байгаа бол бусад валют болох рубль 42.00, зарах нь 42.40, юань авах нь 500.00, зарах нь 502.30, вон 2.57, зарах нь 2.59 төгрөг байна.
Өнөөдөр болох онцлох үйл явдлууд:
-
09:00-11:00 цагт “Блью Скай” зочид буудалд Дэлхийн хэвлэлийн эрх чөлөөний өдөр "Үзэл бодлоо илэрхийлэх эрх чөлөөний форум-2023" болно.
-
11:00-11:40 цагт Сүхбаатарын талбайд МСНЭ-аас хэвлэлийн эрх чөлөөг хамгаалах акц зохион байгуулна.
-
10.00 цагт: Төрийн ордонд УИХ-ын байнгын хороод хуралдана.
-
10.00 цагт: ШУТИС-ийн номын санд Монгол инженерүүд цахилгааны хяналтын системийг нэвтрүүлсэн талаар мэдээлнэ. ШУТИС-ийн Эрчим хүчний сургууль, “Ханап хангал зээрд” ХХК-ийн хамтын ажиллагааны хүрээнд Монгол инженерүүдийн хөгжүүлж буй “Хэмжих хэрэгслийн удирдлага хяналтын систем”-ийг танилцуулна. Утас: 9906-1261.
-
10.00 цагт: Гаалийн ерөнхий газраас экспорт, импортын мэдээлэл, цаг үеийн асуудлаар мэдээлнэ.
-
10.00 цагт: МҮЭ-ийн холбооны байранд Оюу толгойн төслийн талбайд гэрээгээр ажил гүйцэтгэгч "Эпирок Монголиа” компанийн ажилчид ажил хаяж байгаа талаар Геологи, эрчим хүя, уул уурхай ҮЭ-ийн хорооноос хэвлэлийн бага хурал хийнэ. Утас: 9990-8549.
-
11:00 цагт “ЗМ” сонины Үндэсний мэдээллийн төвд Үндсэн хуулийн талаарх мэдлэг төрийн албан хаагчдын дунд хийсэн судалгаагаар хангалтгүй байгаа тухай “Иргэдийн шударга шүүх” ТББ мэдээлнэ.
11:30 цагт Дорнод аймагт үйл ажиллагаа явуулдаг “Шинь шинь” ХХК хүний эрхийг ноцтой зөрчиж байгаа талаар иргэн Э.Болд мэдээлэл хийнэ.
Энэ өдөр дэлхийн түүхэнд:
- Өнөөдөр Индонез улсад Үндэсний боловсролын өдөр тохиож байна.
- 2011 оны энэ өдөр "Аль Кайда" бүлэглэлийн удирдагч Осама Бин Ладен нас баржээ.
- 2014 онд Афганистаны Бадахшан хотод хөрсний нуралтын улмаас 2,500 гаруй хүн ор сураггүй болжээ.
- 2012 онд Норвегийн суут зураач Эдвард Мюнкын зурсан "Хашхираан" уран зураг Нью-Йоркын дуудлага худалдаагаар 120 сая ам.доллараар зарагджээ. Ингэснээр дэлхийн хамгийн үнэтэй уран зураг болсон юм.
- 2000 онд АНУ-ын Ерөнхийлөгч Билл Клинтон АНУ-ын Армийн хэрэгцээнд байршил тогтоох "GPS" төхөөрөмжийг ашиглахыг зөвшөөрөв.
- 1999 онд Панамын сонгууль: Тус улсын Ерөнхийлөгчөөр Мирея Москосо сонгогдов. Тэрээр энэ суудалд суусан тус улсын анхны эмэгтэй улстөрч болжээ.
- 1998 онд Европын холбооны зөвлөлийн шийдвэрээр Европын төв банкыг байгуулжээ. Тус банк нь Европын холбооны гишүүн орнуудын мөнгөний бодлогыг тодорхойлох чиг үүрэг бүхий банк юм.
