Швед улс мөнгөн тэмдэгтийнхээ загварыг өөрчилж, урлаг, соёлын алдартнуудын зурагтай крон гаргах гэж байна. Тус улсын Төвбанкны мэдэгдэж буйгаар найруулагч Ингмар Бергман, жүжигчин Грета Гарбо, зохиолч Астрид Лүндгрин, дуучин Биргит Нильсон нарын зургийг крон дээр хэвлэх юм байна.
XX зууны Шведийн урлагт оруулсан хувь нэмрийг нь үнэлж эдгээр алдартны дүрийг мөнхжүүлэх энэ санааг анх XVI Карл Густав Ван санаачилжээ. Мөнгөн тэмдэгтүүд 2014-2015 онд гарна.
