Өнөөдрийн тухай таны мэдэх ёстой 12 зүйл: Даншиг наадмын зохион байгуулагчид мэдээлэл хийнэ

Наймдугаар сарын 01-ний өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 213 дахь өдөр бөгөөд он дуусахад 152 хоног үлдлээ.
2. Цаг агаар өдөртөө 26 хэмийн дулаан бол шөнөдөө 17 градус дулаан байх нь ээ. 
3. Билгийн тооллын 19, есөн улаан мэнгэтэй хөхөгчин үхэр өдөр. Өнөөдөр үсээ авахуулах буюу засуулбал сайн нөхөртэй нөхөрлөх гэнэ. Энэ өдөр тахиа жилтнээ аливаа үйлийг хийхэд эерэг сайн, могой, морь жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
4. Манай улсын голлох валют болох ам.долларын ханш 2465.00 төгрөгтэй тэнцэж байгаа бол бусад валют болох рубль 40.00, юань 365.00, вон 2.18 төгрөг байна.

Өнөөдөр болох онцлох үйл явдлууд: 

1. 10.00 цагт нийслэлийн Хэвлэл мэдээллийн төвд "Даншиг наадам-Хүрээ цам 2018" шашин соёлын наадам болох гэж буйтай холбогдуулан түүх соёл, шашны зан үйл, зохион байгуулалтын талаар хэвлэлийн бага хурал болно.
2. 09.00-12.00 цагийн хооронд BLUE SKY цогцолборын TOPAZ зааланд хүүхдийн сүүн тэжээл импортлогч нарт зориулсан уулзалт болно.
3. MN мэдээллийн төвд 11.00 цагаас “Соёлын биет бус өвийн их наадам”,  “Үндэсний спортын VI их наадам”-ыг хамтатган Хүй долоон худагт “Нүүдэлчин Монгол” нэртэйгээр 2018 оны 08 дугаар сарын 11-15-нд тэмдэглэх болсон талаар зохион байгуулах хорооноос нь мэдээлэл өгнө.   
4. Үндэсний төв номын санд 11.40 цагаас 10.000 ширхэг номын баринтаг хүлээлгэн өгөх ёслол болно.
5. Нярайн эндэгдэлийг бууруулах зорилготой “SAVE LIFE” төслийн III шатны нээлт 11.00 цагт ЭХЭМҮТ-ийн өргөтгөлийн байранд болно.

Энэ өдөр дэлхийн түүхэнд:  

1. Жил бүрийн наймдугаар сарын 1-7-ны өдрүүдэд Монгол Улс төдийгүй дэлхийн 170 гаруй орон “Хүүхдийг эхийн сүүгээр хооллолтыг дэмжих дэлхийн долоо хоног”-ийг тэмдэглэдэг.

2. Өнөөдөр Вьетнам улсад ялалтын баяр тохиож байна.

3. 1986 оны энэ өдөр Английн алдарт хөлбөмбөгийн тамирчин Damien Allen мэндэлжээ.