Долдугаар сарын 24-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 205 дахь өдөр бөгөөд он дуусахад 160 хоног үлдлээ.
- Цаг агаар өдөртөө 26 хэмийн дулаан бол шөнөдөө 14 градус дулаан байх нь ээ. Түр зуурын бороо орно.
- Билгийн тооллын 12, найман цагаан мэнгэтэй улаагчин могой өдөр. Өнөөдөр үсээ авахуулах буюу засуулбал өвчин эмгэг ирэх гэнэ. Энэ өдөр үхэр жилтнээ аливаа үйлийг хийхэд эерэг сайн, бич, тахиа жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
- Манай улсын голлох валют болох ам.долларын ханш 2469.00 төгрөгтэй тэнцэж байгаа бол бусад валют болох рубль 39.70, юань 365.80, вон 2.18 төгрөг байна.
Өнөөдөр болох онцлох үйл явдлууд:
- СУИС-ийн Төв байранд “Монголчуудын соёлын ертөнц: Үнэт зүйл, өв, урлаг” олон улсын монголч эрдэмтний номын үзэсгэлэн худалдаа, дүрслэх урлагийн болон инновацийн бүтээлүүдийн үзэсгэлэн болж байна.
- БСШУСЯ-наас жил бүр уламжлал болгон зохион байгуулдаг залуу монгол судлаачдын зуны сургууль ирэх наймдугаар сарын 4-нийг дуустал болно.
Энэ өдөр дэлхийн түүхэнд:
-
Өнөөдөр Польш улсад Цагдаа нарын баярын өдөр тохиож байна.
-
Мөн өнөөдөр Венесуэлд Усан цэргийн баярын өдөр тохиож буй.
-
1982 оны энэ өдөр Канадын алдарт жүжигчин, Brookstreet Pictures кино студийг үүсгэн байгуулагч Trevor Matthews мэндэлжээ.
-
1990 оны энэ өдөр Английн дуучин, Их Британийн "The wanted" хамтлагийн дуучин Jay McGuiness мэндэлжээ.
-
1977 онд Ливи болон Египетийн дөрвөн хоногийн турш үргэлжилсэн дайн эцэс болжээ.
-
1982 онд Японд ширүүн аадар бороо орсны улмаас Nagasaki дахь гүүр эвдэрч 299 хүн амь насаа алдаж байжээ.
