Долдугаар сарын 25-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 206 дахь өдөр бөгөөд он дуусахад 159 хоног үлдлээ.
- Цаг агаар өдөртөө 31 хэмийн дулаан бол шөнөдөө 16 градус дулаан байх нь ээ.
- Билгийн тооллын 13, долоон улаан мэнгэтэй улаагчин могой өдөр. Өнөөдөр үсээ авахуулах буюу засуулбал жаргал ирэх гэнэ. Энэ өдөр бар, нохой жилтнээ аливаа үйлийг хийхэд эерэг сайн, могой, морь жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
- Манай улсын голлох валют болох ам.долларын ханш 2468.00 төгрөгтэй тэнцэж байгаа бол бусад валют болох рубль 39.70, юань 362.50, вон 2.17 төгрөг байна.
Өнөөдөр болох онцлох үйл явдлууд:
- НЗДТГ-ын А танхимд 10.00 цагт НИТХ-ын Тэргүүлэгчид цаг үeийн асуудлаар хуралдана.
- MN-мэдээллийн төвд 11. 30 цагаас Төрийн дарамт хэрээс хэтэрсэн гэж үзсэн худалдаачид, ТҮЦ эрхлэгчид тэмцлийн хурц хэлбэрт шилжихээ албан ёсоор мэдэгдэж “Монголын худалдаачдын холбоо”, “ТҮЦ-ээр амь зуугчдын холбоо”-ноос хэвлэлийн бага хурал зарлалаа.
- 12.00 цагт Эрүүл мэндийн сайд Д.Сарангэрэл болон холбогдох мэргэжлийн байгууллагууд Хавдар судлалын үндэсний төвд үүсээд буй нөхцөл байдалтай газар дээр нь танилцаж, зарим нэг асуудлыг шийдвэрлэнэ.
- 10.00 цагаас "Нисдэг машин"-ы хажуу талын "Премиум плас" зочид буудлын гадна талбайд үерийн аюулаас урьдчилан сэргийлэх, галын аюулаас урьдчилан сэргийлэх, гамшигт нэрвэгдсэн хүнд анхны тусламж үзүүлэх зэрэг тактикийн сургууль болно.
Энэ өдөр дэлхийн түүхэнд:
-
1567 онд Өнөөгийнхөөр Венесуэл улсын нийслэл Каракас хот, тухайн үеийн Сантьяго суурин үүсэн байгуулагдсан.
-
1868 онд Вайоминг нутаг 1868 онд Америк улсын мэдэлд шилжсэн. Өдгөө нэгэн муж улс нь болжээ.
-
1920 онд Францын зэвсэгт хүчин Дамаскыг эзэлсэн.
-
1925 онд Зөвлөлт Холбоот Улсын цахилгаан мэдээний агентлаг (орос товчлол ТАСС) байгуулагдсан.
-
1957 онд Францаас салж тусгаар тогтносон Бүгд Найрамдах Тунис Улс байгуулагдснаа зарлан тунхагласан.
-
2007 онд Пратибха Патил Энэтхэг улсын түүхэн дэх анхны эмэгтэй ерөнхийлөгч болсон.
