Долдугаар сарын 09-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 190 дахь өдөр бөгөөд он дуусахад 175 хоног үлдлээ.
- Цаг агаар өдөртөө 23 хэмийн дулаан бол шөнөдөө 6 градус дулаан байх нь ээ.
- Билгийн тооллын 26, таван шар мэнгэтэй хар бар өдөр. Өнөөдөр үсээ авахуулах буюу засуулбал жаргал үргэлжид ирэх гэнэ. Энэ өдөр морь, нохой жилтнээ аливаа үйлийг хийхэд эерэг сайн, бар, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
- Манай улсын голлох валют болох ам.долларын ханш 2465.00 төгрөгтэй тэнцэж байгаа бол бусад валют болох рубль 39.70, юань 370.50, вон 2.20 төгрөг байна.
Өнөөдөр болох онцлох үйл явдлууд:
- 09.00-19.00 цагийн хооронд Сурын талбайд Хүүхдийн сурын харваа эхэлнэ.
- Монголын Урчуудын эвлэлийн үзэсгэлэнгийн танхимд 16.00, 18.00 цагуудад “Монголын гайхамшигт урлаг” үндэсний язгуур урлагийн тоглолт болно.
- Монголын үндэсний музейд 09:00-18:00 Монгол Солонгосын залуу уран бүтээлчдийн “Гранд Арт-10" үзэсгэлэн тавигдана.
- 09.00 цагаас Богд хааны ордон музейд “Бурханы шашны шүтээн сахиус” үзэсгэлэн нээлтээ хийнэ.
- Хүүхдийг осол гэмтэл, болзошгүй эрсдэлээс урьдчилан сэргийлэх, эцэг эх олон нийтэд сурталчилгаа нөлөөллийн үйл ажиллагаа зохион байгуулах зорилготой "Анхаарал хариуцлага эрсдэлгүй орчин" аян зохион байгуулагдана.
- БНХАУ-ын Ерөнхий аудитор хатагтай Ху Зежун тэргүүтэй БНХАУ-ын Аудитын Дээд байгууллагын төлөөлөгчдийн Үндэсний Аудитын газарт хийх албан айлчлал өндөрлөнө.
- НЗДТГ-ын А танхимд 10.00 цагт НИТХ-ын Тэргүүлэгчид цаг үeийн асуудлаар хуралдана. Хүүхдийн аюулгүй орчны талаар холбогдох нийслэлийн бүх байгууллагуудын удирдлагуудад үүрэг чиглэл өгч, хариуцлага тооцох асуудлаар хуралдах юм.
Энэ өдөр дэлхийн түүхэнд:
- Өнөөдөр Австрали болон Палау улсуудад Үндсэн хуулийн өдөр тохиож байна.
- 1990 оны энэ өдөр Бразилын шигшээ багийн тамирчин Фабио да Силва мэндэлжээ.
- Мөн 1956 оны энэ өдөр АНУ-ын алдарт жүжигчин, продюсер, найруулагч Том Хэнкс мэндэлжээ. Түүнийг Филадельфи киноны Андрей Беккет, Форрест Гамп киноны гол дүр, Аполло 13 киноны ахлагч Жеймс Артур Ловелл, Цэрэг Райныг аварсан нь киноны ахмад Жон Миллерийнх нь дүрээр илүүтэй сайн мэдэх биз ээ.
- 2011 онд Өмнөд Судан тусгаар тогтнолоо олж авчээ.
- 2006 онд "Irkutsk" онгоцны буудал дээр S7 Airlines Flight 778 нислэг бороотой үед газардаж байгаад осолдож, зорчиж явсан 125 хүн нас баржээ.
