Өнөөдрийн тухай таны мэдэх ёстой 14 зүйл: "Шатахууны үнэ"-ийг хямдруулах шаардлагын талаар мэдээлэл хийнэ

Долдугаар сарын 06-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 187 дахь өдөр бөгөөд он дуусахад 178 хоног үлдлээ.
2. Цаг агаар өдөртөө 22 хэмийн дулаан бол шөнөдөө 18 градус дулаан байх нь ээ. Өдөртөө бороо орно.
3. Билгийн тооллын 23, найман цагаан мэнгэтэй шарагчин гахай өдөр. Өнөөдөр үсээ авахуулах буюу засуулбал эд эдлэл, идээ ундаа элбэг олдох гэнэ. Энэ өдөр хонь жилтнээ аливаа үйлийг хийхэд эерэг сайн, бар, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
4. Манай улсын голлох валют болох ам.долларын ханш 2466.00 төгрөгтэй тэнцэж байгаа бол бусад валют болох рубль 39.80, юань 370.00, вон 2.20 төгрөг байна.

Өнөөдөр болох онцлох үйл явдлууд: 

1. 15.51 цагт сар тал болно.
2. MN-Мэдээллийн төвд 11.00 цагт АН-ын Зам тээвэр, бодлогын зөвлөлөөс шатахууны үнийн өсөлттэй холбоотой асуудлаар хэвлэлийн бага хурал зарлалаа.
3. MN-Мэдээллийн төвд 12.00 цагт “Эх нутгийн эзэд” ТББ, Төв аймгийн Заамар сумын иргэд хамтран “баян” Ч.Базарын “Эко алтан Заамар” компанийн хууль бус үйл ажиллагаа болон газар нутгаа хамгаалах асуудлаар мэдээлэл хийнэ.
4. Засгийн газрын 11-р байрны дугуй танхимд 10.00 цагт Монголын Ногоон намын залуу ногоонтнуудын зохион байгууллаж буй "Хүүхэд бидний ирээдүй" сэдэвт онол практикийн хурал зохион байгуулагдана. 
5. 11.00 цагаас МАХН Ээлжит бус их чуулганаа зарласантай холбоотойгоор хэвлэлийн бага хурал зарлалаа.

Энэ өдөр дэлхийн түүхэнд:  

1. 1960 оны энэ өдөр сүмогийн 63 дахь ёкозүна Асахифүжи Сэйя мэндэлжээ.

2. Өнөөдөр Перу улсад Багш нарын баяр тохиож байна.

3. Өнөөдөр АНУ-ын Үндэсний шарсан тахианы өдөр юм байна.

4. 1975 оны энэ өдөр АНУ-ын реппер, жүжигчин 50Cent мэндэлжээ.

5. 2013 онд Канадын  Lac-Mйgantic, Quebec хотод газрын тос ачиж явсан машин галт тэрэгтэй мөргөлдөж, гал дүрэлзсэний улмаас 47 орчим хүн нас барж, хотын төв хэсгийн 30 орчим барилга нурсан байна.