Өнөөдрийн тухай таны мэдэх ёстой 15 зүйл: Тоёота мотор корпорациас наадмын түрүү бөхийн бай шагналын талаар мэдээлнэ

Долдугаар сарын 05-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 186 дахь өдөр бөгөөд он дуусахад 179 хоног үлдлээ.
2. Цаг агаар өдөртөө 28 хэмийн дулаан бол шөнөдөө 16 градус дулаан байх нь ээ. Өдөртөө бороо орно.
3. Билгийн тооллын 22, есөн улаан мэнгэтэй шар нохой өдөр. Өнөөдөр үсээ авахуулах буюу засуулбал идээ ундаа элбэг олдох гэнэ. Энэ өдөр бар, морь жилтнээ аливаа үйлийг хийхэд эерэг сайн, үхэр, луу, хонь, нохой жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
4. Манай улсын голлох валют болох ам.долларын ханш 2466.00 төгрөгтэй тэнцэж байгаа бол бусад валют болох рубль 39.80, юань 373.00, вон 2.20 төгрөг байна.

Өнөөдөр болох онцлох үйл явдлууд: 

1. 06.30-09.00 цагийн хооронд Соёмбо кино театрын гадаа талбайд Сонгинохайрхан дүүргийн Засаг даргын Тамгын газар, Улсын бүртгэлийн хэлтэс, Нийгмийн даатгалын хэлтэс, Татварын алба, Газрын алба, Хөдөлмөр, халамж үйлчилгээний хэлтэс, Эрүүл мэндийн төв, Спорт хороо зэрэг байгууллагууд иргэдэд төрийн үйлчилгээ үзүүлж, арилжааны банкууд болон үүрэн холбооны оператууд тус бүрийнхээ үйлчилгээг үзүүлнэ.
2. 12.00 цагт Д.Сүхбаатарын талбайд Монгол гэрт хэвлэлийн бага хурал болно. “Мөнх тэнгэр” Монгол туургатны соёл, урлагийн их наадам энэ сарын 6-8ны өдрүүдэд зохион байгуулагдах гэж буйтай холбогдуулан нийслэлийн Соёл урлагийн газраас хэвлэлийн бага хурал зарлалаа. 
3. 11.30 цагаас Нийслэлийн хэвлэл мэдээллийн төвд: Хүүхдийг осол гэмтэл, болзошгүй эрсдэлээс урьдчилан сэргийлэх “Анхаарал-Хариуцлага эрсдэлгүй орчин” аян зохион байгуулах тухай хэвлэлийн бага хуралтай.
4. Нийслэлийн хэвлэл мэдээллийн төвд 11.00 цагт “Монгол Улсын Үндэсний их баяр наадам 2018” албан ёсны түнш Тоёота мотор корпорациас баяр наадмын түрүү бөхийн бай шагналын талаар хэвлэлийн бага хурал хийнэ. 
5. НЗДТГ-ын А зааланд 10.00 цагаас НИТХ-ын Тэргүүлэгчдийн хурал болно.

Энэ өдөр дэлхийн түүхэнд:  

1. Өнөөдөр бол Алжир улсын Тусгаар тогтносон өдөр.
2. Мөн өнөөдөр Армен улсын Үндсэн хуулийн өдөр тохиож байгаа юм байна.
3. 1989 оны энэ өдөр Америкийн дуучин, гитарчин, ая зохиогч Joseph King мэндэлжээ.
4. 2012 онд Европын хамгийн өндөр барилга болох Лондонгийн 310 метр өндөр "The Shard"  нээгджээ.
5. 2006 онд Хойд Солонгос дөрөв дэх богино хугацааны пуужингаа туршжээ.
6. 2004 онд Индонезийн ерөнхийлөгчийн анхны сонгууль явагджээ.