Долдугаар сарын 03-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 184 дахь өдөр бөгөөд он дуусахад 181 хоног үлдлээ.
- Цаг агаар өдөртөө 25 хэмийн дулаан бол шөнөдөө 11 градус дулаан байх нь ээ.
- Билгийн тооллын 20, хоёр хар мэнгэтэй улаан бич өдөр. Өнөөдөр үсээ авахуулах буюу засуулбал өлсөж ундаасах гэнэ. Энэ өдөр хулгана, луу жилтнээ аливаа үйлийг хийхэд эерэг сайн, бич, тахиа жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
- Манай улсын голлох валют болох ам.долларын ханш 2465.00 төгрөгтэй тэнцэж байгаа бол бусад валют болох рубль 40.00, юань 371.50, вон 2.21 төгрөг байна.
Өнөөдөр болох онцлох үйл явдлууд:
- Гамшгийн эрсдэлийг бууруулах Азийн сайд нарын бага хурал эхэлнэ.
- 14.00 цагт Дархан-Уул аймагт Малын удмын сангийн үндэсний цогцолборын нээлтийн арга хэмжээ болно.
- ОХУ-ын “Like” центр залуучуудын бизнесийн санааг бодит шийдэл болгох томоохон төв Монгол Улсад албан ёсны төлөөлөгчийн газраа нээж байгаа бөгөөд үүний хэвлэлийн бага хурал 11.30 цагт нийслэлийн хэвлэл мэдээллийн төвд болно.
- "Сар бүрийн 3-Цусаа бэлэглэх өдөр"-ийн арга хэмжээ 10.00 цагт ЦССҮТ-ийн төв байранд (Улсын II төв эмнэлгийн зүүн хойд талд) эхэлнэ.
- “Ажилтай-Орлоготой иргэн” ажилд зуучлах өдөрлөг 10.00-15.00 цагийн хооронд Нийслэлийн үйлчилгээний нэгдсэн төвийн Мишээл салбарт зохион байгуулагдана.
Энэ өдөр дэлхийн түүхэнд:
- Өнөөдөр Мьянмар улсад Эмэгтэйчүүдийн эрхийг хамгаалах өдөр тохиож байна.
- 1989 оны энэ өдөр Америкийн алдарт дуучин, жүжигчин Elle King мэндэлжээ.
- Мөн 1962 оны энэ өдөр Америкийн алдарт жүжигчин, Холливудын од Том Круз мэндэлжээ.
- 1890 онд Америкийн Нэгдсэн Улсын Баруун Хойд Номхон Далайн бүс нутаг оршдог муж улс болох Айдахо муж АНУ-ын 43 дахь муж улс болон нэгджээ.
