Өнөөдрийн тухай таны мэдэх ёстой 17 зүйл: Өнөөдөр +30 хэмд хүрч хална

Зургадугаар сарын 29-ний өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 180 дахь өдөр бөгөөд он дуусахад 185 хоног үлдлээ.
2. Цаг агаар өдөртөө 30 хэмийн дулаан бол шөнөдөө 16 градус дулаан байх нь ээ. 
3. Билгийн тооллын 16, зургаан цагаан мэнгэтэй хар луу өдөр. Өнөөдөр үсээ авахуулах буюу засуулбал өвчин ирэх гэнэ. Энэ өдөр хулгана, бич жилтнээ аливаа үйлийг хийхэд эерэг сайн,бар, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
4. Манай улсын голлох валют болох ам.долларын ханш 2466.00 төгрөгтэй тэнцэж байгаа бол бусад валют болох рубль 39.80, юань 374.00, вон 2.20 төгрөг байна.

Өнөөдөр болох онцлох үйл явдлууд: 

1. Богдхан уулын ойг нэн даруй нөхөн сэргээх, хамгаалах, шинээр ойжуулах зорилгоор хэрэгжүүлэх "Дархан цаазат Богдхан уулаа хамгаалах үндэсний аян", "Залуу ой" төслийн хэвлэлийн бага хурал 11.40 цагаас Үндэсний мэдээллийн төвд болно. 
2. 15.00 цагт И-март их дэлгүүрийн урд Хур борооны улиралд түр зуурын аадар бороо ороход үерт автаж иргэдийг ихээхэн айдаст автуулдаг Токиогийн гудамжны /И март их дэлгүүр орчим/ борооны ус зайлуулах шугам шинэчлэлтийн 1-р ээлжийн ажлыг эхлүүлж байгаа талаар мэдээлнэ.
3.  09.00-16.00 цагийн хооронд Төв аймгийн нэгдсэн эмнэлэгт ӨМӨЗО-ны эмч нар үнэ төлбөргүй үзлэг, оношлогоо хийж, шаардлагатай өвчтөнүүдэд тан өгнө. 
4. Монголын Хуульчдын холбооноос 14.00 цагт "Хуульчдын танхим"-д хэвлэлийн бага хурал зарлалаа. Хурлаар "Хуульчдын форум-2018"-аас гаргасан зөвлөмж, дүгнэлтийг танилцуулна. 
5. ЕБС-ийн багш нарт зориулсан “Статистикийн арга зүйн гарын авлага” номын нээлт 10.00 цагт БСШУСЯ-ны 4 давхрын 401 тоотод болно.
6. 10.00-15.00 цагийн хооронд Богд хааны ордон музейн хурлын танхимд “МОНГОЛ ХАТАД” эрдэм шинжилгээний бага хурлыг зохион байгуулна.
7. МУИС-ийн шинэ номын санд 09.00 цагаас Мэргэжлийн хяналтын ерөнхий газрын хөдөлмөрийн хяналтын улсын байцаагч, хүүхдийн эрхийн улсын байцаагчдыг хүүхдийн хөдөлмөрийн асуудлаар чадавхжуулах сургалт болно. 
8. Гэр бүл хүүхэд залуучуудын хөгжлийн газарт 14.00 цагаас “Монгол Улсад хүүхэд хамгааллын тогтолцоог бэхжүүлэх нь” төслийн хоёрдугаар шатыг хэрэгжүүлэх санамж бичигт гарын үсэг зурах үйл ажиллагаа болно. 

Энэ өдөр дэлхийн түүхэнд:  

1. Өнөөдөр бол Голланд улсын Цагаан хоолны өдөр юм байна.

2. Мөн өнөөдөр Эквадор улсад Инженерүүдийн баярын өдөр тохиож байгаа аж.

3. 1979 оны энэ өдөр Английн хөлбөмбөгч  Andy O'Brien мэндэлжээ.

4. Мөн 1978 оны энэ өдөр Америкийн алдарт дуучин, Pussycat Dolls хамтлагийн ахлагч байсан Nicole Scherzinger мэндэлжээ.

5. 2007 онд Apple корпораци анхны Iphone утсаа олон нийтэд танилцуулжээ.