Зургадугаар сарын 26-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 177 дахь өдөр бөгөөд он дуусахад 188 хоног үлдлээ.
- Цаг агаар өдөртөө 21 хэмийн дулаан бол шөнөдөө 10 градус дулаан байх нь ээ. Өдөртөө бага зэргийн бороо орно.
- Билгийн тооллын 13, есөн улаан мэнгэтэй шарагчин үхэр өдөр. Өнөөдөр үсээ авахуулах буюу засуулбал жаргал ирэх гэнэ. Энэ өдөр могой жилтнээ аливаа үйлийг хийхэд эерэг сайн, бич, тахиа жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
- Манай улсын голлох валют болох ам.долларын ханш 2467.00 төгрөгтэй тэнцэж байгаа бол бусад валют болох рубль 39.80, юань 382.00, вон 2.22 төгрөг байна.
Өнөөдөр болох онцлох үйл явдлууд:
- 12.00 цагт УДБЭТ-ийн байранд Ж.Пуччинийн мэндэлсний 160 жилийн ойн хүрээнд зохион байгуулах гэж буй "Олон улсын дуурийн өдрүүд" арга хэмжээтэй холбогдуулан хэвлэлийн хурал хийнэ.
- 11.00 цагт "Монцамэ" агентлагийн мэдээллийн төвд Нийслэлийн Засаг даргын ивээл дор энэ сарын 29, 30-нд Улаанбаатар хот, "Чингисийн хүрээ" цогцолборт зохион байгуулагдах "Граунд гольф"-ийн Азийн аварга шалгаруулах тэмцээний хэвлэлийн хурал болно.
- 12.00 цагт Монгол Улсын Филармонийн байранд Морин хуурын олон улсын VI наадмын хүрээнд зохион байгуулах арга хэмжээний талаар дэлгэрэнгүй мэдээлэл өгөх хэвлэлийн хурал болно.
- Шинжлэх ухаан технологийн сангийн “Инновацийн бүтээгдэхүүний үзэсгэлэнгийн танхим”-д 10.00-11.00 цагт “Зүрхний цочмог шигдээсний эрт үеийн оношлогоо, эмчилгээг эмнэлзүйн практикт нэвтрүүлэх" нь төслийн хүрээнд “Цөм технологийн төслийн үр дүнг түгээр дэлгэрүүлэх, нээлтэй танилцуулга” болно.
- Татварын багц хуулийг шинэчлэн батлах гэж байгаатай холбогдуулан МҮЭ-ийн холбоо байр сууриа илэрхийлнэ. Хэвлэлийн бага хурал 11.00 цагт МҮЭХ-ны байрны 4 давхрын хурлын танхимд болно.
- 10.00 цагт Японы CTV телевизэд ажилладаг монгол сэтгүүлч, мэдээний найруулагч О.Хонгорзул сэтгүүлчидтэй "Хүний эрх бас олж авсан кейсийг хэрхэн уялдуулж мэдээ бэлтгэдэг арга барил", "Монголоос бэлтгэсэн баримтат нэвтрүүлгүүд Японд олонд хүрсэн тухай", Арилжааны телевизүүд хэрхэн санхүүждэг тухай болон бусад чөлөөт сэдвээр уулзалт хийх гэж байна.
- ЮНЕСКО-ийн Геологийн шинжлэх ухаан ба геопаркууд олон улсын хөтөлбөрийг Монгол Улсад анх удаа танилцуулах зорилготой чуулга уулзалтыг ГХЯ-ны “Зөвшилцөл” танхимд 09.00 цагаас зохион байгуулна.
Энэ өдөр дэлхийн түүхэнд:
- Өнөөдөр хар тамхи, мансууруулах бодис болон хүний наймааны эсрэг олон улсын өдөр тохиож байна.
- Мөн Эрүү шүүлтийн хохирогчдын эрхийг хамгаалах олон улсын өдөр тохиож байгаа аж.
- 1993 оны энэ өдөр Америкийн дуучин Ariana Grande мэндэлжээ.
- 2004 онд Уlafur Ragnar Grнmsson Исланд Улсын Ерөнхийлөгчөөр дахин сонгогдож байжээ.
