Өнөөдрийн тухай таны мэдэх ёстой 15 зүйл: Эрдэнэт үйлдвэрийн удирдлагуудын хэт тансаглалын талаар мэдээлэл хийнэ

Зургадугаар сарын 19-ний өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 170 дахь өдөр бөгөөд он дуусахад 195 хоног үлдлээ.
2. Цаг агаар өдөртөө 25 хэмийн дулаан бол шөнөдөө 9 градус дулаан байх нь ээ.
3. Билгийн тооллын 6, долоон улаан мэнгэтэй хар морь өдөр. Өнөөдөр үсээ авахуулах буюу засуулбал өнгө зүс сайжрах гэнэ. Энэ өдөр бар, нохой жилтнээ аливаа үйлийг хийхэд эерэг сайн, бич, тахиа жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
4. Манай улсын голлох валют болох ам.долларын ханш 2428.00 төгрөгтэй тэнцэж байгаа бол бусад валют болох рубль 39.30, юань 377.20, вон 2.20 төгрөг байна.

Өнөөдөр болох онцлох үйл явдлууд:

1. Эрчим хүчний сайд Ц. Даваасүрэн 15.00 цагаас агаар орчныг бууруулах ажлын хүрээнд хийгдсэн ажлуудтай биечлэн танилцана.
2. Зүүн хойд Азийн хотын дарга нарын форум үргэлжлэн цаашдын алхам, зохион байгуулалтын асуудлыг хэлэлцэнэ. Мөн форумын үр дүн, зохион байгуулалтын талаар хэвлэлийн бага хурал 11.20 цагаас Асем вилла-д болно.
3. "Мэргэжлийн боловсрол сургалт-Ажилсаг Монгол" үндэсний зөвлөгөөн Төрийн ордонд үргэлжилж, Монгол Улсад мэргэжилтэй ажилчин бэлтгэдэг гол салбарынхаа асуудлыг хэлэлцэнэ.
4. “Монгол-Зөвлөлтийн эдийн засгийн харилцаа 1955-1985” он сэдэвт үзэсгэлэн 14.00 цагт Архивын ерөнхий газрын үзэсгэлэнгийн танхимд нээлтээ хийнэ.
5. “Хуульчдын форум-2018”-ыг “Тогтвортой хөгжлийн зорилтууд - Хуульчдын оролцоо” уриан дор 09.00-18.00 цагт “Корпорэйт конвешин центр”-т зохион байгуулна.
6. Монголын хиймэл оюун ухааны хөгжлийг манлайлагч Aйтүүлс, Монголын анхны нанохимич, Монголд дэлхийн оюуны өмчийн соёлыг түүчээлэгч, электроникч шинжлэх ухааны салбар салбарын судлаачдын нүүр тулсан уулзалт-илтгэл-хэлэлцүүлэг Шинжлэх ухаан технологийн сан дээр болно.
7. MN-Мэдээллийн төвд 12.00 цагаас “Эрдэнэт үйлдвэр” ХХК-ийн ҮЭХ-ны дарга П.Баттөр “Эрдэнэт үйлдвэрт ажиллагсдын цалин хөлс, удирдлагуудын хууль бус үйл ажиллагаа болон хэт тансаглал” сэдвээр мэдээлэл хийнэ.

Энэ өдөр дэлхийн түүхэнд:

1. 1980 оны энэ өдөр Португалийн алдарт хөлбөмбөгч Nuno Santos мэндэлжээ.
2. Мөн 1978 оны энэ өдөр АНУ-ын нэрт жүжигчин, бүжигчин Zoe Saldana мэндэлжээ. Түүнийг "Төв тайз" хэмээх балетын тухай өгүүлэх киноных нь дүрээр үзэгчид илүүтэй мэдэх биз ээ.
3. 1991 онд Унгар дахь ЗХУ-ын нөлөөлөл үгүй болжээ.
4. 1988 онд II пап лам 117 Вьетнамын шоронгийн хоригдлыг адислаж байжээ.