Зургадугаар сарын 13-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 164 дахь өдөр бөгөөд он дуусахад 201 хоног үлдлээ.
- Цаг агаар өдөртөө 27 хэмийн дулаан бол шөнөдөө 11 градус дулаан байх нь ээ.
- Билгийн тооллын 30, дөрвөн ногоон мэнгэтэй улаан хулгана өдөр. Өнөөдөр үсээ авахуулах буюу засуулбал эрлэг лугаа учрах гэнэ. Энэ өдөр луу, бич жилтнээ аливаа үйлийг хийхэд эерэг сайн, могой, морь жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
- Манай улсын голлох валют болох ам.долларын ханш 2417.00 төгрөгтэй тэнцэж байгаа бол бусад валют болох рубль 39.40, юань 378.70, вон 2.23 төгрөг байна.
Өнөөдөр болох онцлох үйл явдлууд:
- 14.00-18.00 цагаас Монголын маркетингийн холбоо, МҮХАҮТ хамтран ЖДҮ бизнесүүдэд маркетингийн үнэ төлбөргүй зөвлөгөө өгөх өдөрлөг зохион байгуулна.
- Төрийн тусгай албан хаагчдын нэгдсэн эмнэлгээс санаачлан Хууль зүй, дотоод хэргийн яамны харьяа агентлаг, байгууллагуудын мэргэшсэн сэтгэл зүйч, эмч нарын дунд “Төрийн тусгай албан хаагчдын нийгэм, сэтгэл зүйн тулгамдсан асуудал”, “Хөдөлмөрийн чадвар алдалтыг бууруулах түүнээс урьдчилан сэргийлэх” сэдвээр сургалт, хэлэлцүүлгийг зохион байгуулах гэж байна.
- Даян дэлхийн тогтвортой мал аж ахуйн хөтөлбөрийн олон талт түншүүдийн 8 дугаар уулзалт" Тэрэлж рэд рок ресортод 3 дахь өдрөө үргэлжилнэ.
- “Химийн ослын үеийн нийгмийн эрүүл мэндийн менежмент” сэдэвт олон улсын семинар болно.
- “Хааны эрэлд-2018” энхийг дэмжих ажиллагааны олон улсын сургууль 2018 оны 06 дугаар сарын 14-28-ны өдрүүдэд зохион байгуулагдах талаар 11.00 цагт “Зууны мэдээ” сонины “Үндэсний мэдээллийн төв”-д хэвлэлийн бага хурал болно.
- 09.30 цагаас Үндсэн хуулийн цэцийн дунд суудлын хуралдаантай. Зөрчил шалган шийдвэрлэх тухай хуульд, “Зөрчлийн хэргийг хянан шийдвэрлэсэн давж заалдах шатны шүүхийн шийдвэр эцсийн байна.” гэж заасан нь шударга шүүхээр шүүлгэх болон шүүхийн шийдвэрийг давж заалдах эрхийг, мөн дагнасан шүүхийн үйл ажиллагаа, шийдвэр нь Улсын дээд шүүхийн хяналтаас гадуур байж үл болох, Улсын дээд шүүхийн шийдвэр нь эцсийн байх тухай Үндсэн хуулийн заалтыг зөрчсөн эсэхийг хэлэлцэнэ.
Энэ өдөр дэлхийн түүхэнд:
- Өнөөдөр бол Унгарын Зохион бүтээгчдийн өдөр.
- 1988 оны энэ өдөр АНУ-ын жүжигчин Cody Walker мэндэлжээ. Тэрээр "Галзуу хурд" цувралын гол дүрүүдийн нэг Паул Уолкерын дүү бөгөөд "Галзуу хурд 7" кинонд ахынхаа гүйцээж чадаагүй хэсгүүдийг орлон тогложээ.
- 2015 онд Техаст цагдаагийн газрын гадна нэгэн залуу шалтгаангүйгээр гал нээж, үүнийхээ дараа өөрөө цагдаа нарт буудуулж нас баржээ.
- 2000 онд Өмнөд Солонгосын ерөнхийлөгч Ким Дэжун Хойд Солонгосын удирдагч Ким Чэн Иртэй БНАСАУ-ын нийслэл хотод уулзжээ.
- 2000 онд Итали улс Туркийн алуурчин Mehmet Ali Ağca-д өршөөл үзүүлжээ. Тэрбээр 1981 онд Жон Паул пап ламын амь насыг хөнөөхөөр завдаж байжээ.
