Зургадугаар сарын 12-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 163 дахь өдөр бөгөөд он дуусахад 202 хоног үлдлээ.
- Цаг агаар өдөртөө 22 хэмийн дулаан бол шөнөдөө 9 градус дулаан байх нь ээ.
- Билгийн тооллын 28, таван шар мэнгэтэй хөхөгчин гахай өдөр. Өнөөдөр үсээ авахуулах буюу засуулбал хэрүүл тэмцэл ирэх гэнэ. Энэ өдөр хонь, туулай жилтнээ аливаа үйлийг хийхэд эерэг сайн, бич, тахиа жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
- Манай улсын голлох валют болох ам.долларын ханш 2416.00 төгрөгтэй тэнцэж байгаа бол бусад валют болох рубль 39.50, юань 378.00, вон 2.24 төгрөг байна.
Өнөөдөр болох онцлох үйл явдлууд:
- "Зууны мэдээ" сонины Үндэсний мэдээллийн төвд 11.00 цагаас Улсын их хурлыг тараах ард түмний хөдөлгөөнөөс цаг үеийн асуудлаар мэдээлэл хийнэ.
- Хүүхдийн хөгжил хамгааллыг сайжруулах үндэсний хөтөлбөрийн дагуу “Гэрээр айлчлах” төслийн эхлэл болгож НЗДТГ, Нийслэлийн хүүхэд, гэр бүлийн хөгжлийн газар, Эрдэм од академи ТББ дэргэдэх “Бяцхан од” цэцэрлэг хамтран эрсдэлт нөхцөлд амьдарч байгаа хүүхэд, хүнд хэлбэрийн хөгжлийн бэрхшээлтэй хүүхдүүдэд дэмжлэг туслалцаа үзүүлэх зорилготой үйл ажиллагааг 09.00-11.00 цагийн хооронд Нийслэлийн Иргэний танхимд зохион байгуулна.
- Сангийн яамны хурлын танхимд 08.30-12.30 цагаас Төрийн албаны удирдах албан тушаалтанд зориулсан жендерийн цахим сургалтын модулийг танилцуулах, туршил үйл ажиллагааг зохион байгуулна.
- Дэлхийн Банк Группын гишүүн байгууллага Олон Улсын Санхүүгийн Корпораци, Санхүүгийн зохицуулах хороо, Компанийн засаглалын хөгжлийн төв хамтран зохион байгуулж буй "Компанийн засаглалын X форум" Holiday Inn зочид буудалд болно.
- 11.00 цагт МҮЭ-ийн холбооны тэмцэл хөдөлгөөний явц, сүүлийн үеийн мэдээллийг өгөхөөр хэвлэлийн бага хурал зарлаж байна. Хэвлэлийн бага хурал МҮЭХ-ны төв байр 4 давхарт болно.
- 12.00 цагт Монголын Театрын музейд “Мони энгэр дэх эртний хийд - Бадигар сүм” нэртэй БНХАУ-ын ӨМӨЗО-ны Бугат хотын гэрэл зургийн нийгэмлэгийн уран бүтээлчдийн хамтарсан үзэсгэлэн болно.
- MN-Мэдээллийн төвд 11.00 цагаас Монголын худалдаачдын холбооноос “Өр, дарамтгүй амьдралын төлөө худалдаачид тэмцэнэ” хэмээн мэдэгдэж хэвлэлийн бага хурал зарлалаа.
- Монгол Улсын нийгэм, эдийн засгийн 2018 оны эхний 5 сарын статистик мэдээллийг Засгийн газрын III байр, B1 давхрын Мэдээллийн танхимд 11.00 цагаас танилцуулна.
Энэ өдөр дэлхийн түүхэнд:
- Өнөөдөр Хүүхдийн хөдөлмөртэй тэмцэх дэлхийн өдөр тохиож байна.
- 1967 оны энэ өдөр Англи-Австралийн жүжигчин Frances O'Connor мэндэлжээ.
- 2017 онд АНУ-ын сурагч Otto Warmbier Хойд Солонгосын шоронд 17 сар хоригдсоны дараа гэртээ сэхээний байдалтай иржээ. Харамсалтай нь, гэртээ ирчихээд долоо хонолгүй нас барсан байна.
- 2016 онд Флорида мужийн Орландо хотын ижил хүйстнүүдийн ордог шөнийн клубт Omar Mateen хэмээх эр гал нээсний улмаас 49 хүн амь үрэгдэж, 58 хүн шархдаж байжээ.
- 1997 онд II Элизабет Лондон хотын "Globe" театрыг сэргээн засварлаж, дахин нээжээ.
