Өнөөдрийн тухай таны мэдэх ёстой 16 зүйл: Газрын эзэмшилгүй 6 өрхөд гэрийг нь дулаалж, эко жорлон барьж өгөхөөр болжээ

6 дугаар сарын 11-ний өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 162 дахь өдөр бөгөөд он дуусахад 203 хоног үлдлээ.
2. Цаг агаар өдөртөө 20 хэмийн дулаан бол шөнөдөө 11 градус дулаан байх нь ээ.
3. Билгийн тооллын 27, зургаан цагаан мэнгэтэй хөх нохой өдөр. Өнөөдөр үсээ авахуулах буюу засуулбал өлзийтэй сайн гэнэ. Энэ өдөр бар, морь жилтнээ аливаа үйлийг хийхэд эерэг сайн, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
4. Манай улсын голлох валют болох ам.долларын ханш 2416.00 төгрөгтэй тэнцэж байгаа бол бусад валют болох рубль 39.50, юань 378.00, вон 2.24 төгрөг байна.

Өнөөдөр болох онцлох үйл явдлууд:

1. 10.00 цагаас "Даян дэлхийн тогтвортой мал аж ахуйн хөтөлбөрийн олон талт түншүүдийн 8 дугаар уулзалт" нээлтээ хийнэ.
2. "Зууны мэдээ" сонины Үндэсний мэдээллийн төвд 11.00 цагаас Соёлын өвийн үндэсний төвөөс Шороон Бумбагарын орчмийн археологийн хайгуул, бүртгэл, судалгааны дүнгээс танилцуулж хэвлэлийн бага хурал зарлалаа.
3. 09.00-12.00 цагийн хооронд Улаанбаатар зочид буудал Хөх асар танхимд Стандарт, хэмжил зүйн газраас "Итгэмжлэл-Илүү аюулгүй орчинг бүрдүүлье" сэдэвт семинарыг зохион байгуулна.
4. Монгол улсын Ерөнхий сайдын ивээл дор Хүнсний аюулгүй байдлын үндэсний зөвлөлөөс “Хүн амын хоол тэжээл, хүнсний аюулгүй байдлын өнөөгийн байдал, сайжруулах арга зам” хамтрагч талуудын томоохон уулзалтыг Блю скайд 09.30 цагаас зохион байгуулна.
5. Хөгжлийн бэрхшээлтэй хүүхэдтэй эцэг эхчүүдийн “Гэгээлэн төв” ТББ-ын гишүүн 3 өрхийн хашаанд амины орон сууц, хөрс бохирдуулдаггүй сайжруулсан эко жорлонгийн хамт, мөн газрын эзэмшилгүй 6 өрхөд гэрийг нь дулаалж, эко жорлон барьж өгөхөөр болжээ. Энэхүү ажлын нээлт, батламж гардуулах үйл ажиллагаа 11.00 цагт Чингэлтэй дүүргийн, 16-р хорооны байранд болно.
6. “Азийн сүү үйлдвэрлэл” индэрийн удирдах зөвлөл, үндэсний зохицуулагч нарын уулзалт Хүнс, хөдөө аж ахуй, хөнгөн үйлдвэрийн яаманд үргэлжилнэ.

Энэ өдөр дэлхийн түүхэнд:

1. Дэлхийн итгэмжлэлийн өдөр тохиож байна.
2. Мөн Гондураст Оюутны эрхийг хамгаалах өдөр тохиож байгаа аж.
3. 2012 онд Афганистанд дараалсан хоёр газар хөдлөлт болсны улмаас хөрсний нуранги үүсч, 80 гаруй хүн амь насаа алдаж, бүхэл бүтэн тосгон сүйрчээ.
4. 2008 онд "Fermi Gamma-ray" хэмээх сансрын телескоп сансарт хөөрч, орбитын тойрог замд оржээ.
5. 2002 онд Италийн зохион бүтээгч Antonio Meucci-г хамгийн анх телефон утсыг зохион бүтээсэн хэмээн АНУ-ын Конгресс хүлээн зөвшөөрчээ.