Өнөөдрийн тухай таны мэдэх ёстой 15 зүйл: 18 сая 800 мянган төгрөгийн шагналын эзэд тодорно

6 дугаар сарын 8-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 159 дахь өдөр бөгөөд он дуусахад 206 хоног үлдлээ.
2. Цаг агаар өдөртөө 24 хэмийн дулаан бол шөнөдөө 10 градус дулаан байх нь ээ.
3. Билгийн тооллын 24, есөн улаан мэнгэтэй цагаагчин хонь өдөр. Өнөөдөр үсээ авахуулах буюу засуулбал өвчин эмгэг ирэх гэнэ. Энэ өдөр гахай жилтнээ аливаа үйлийг хийхэд эерэг сайн, бар, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
4. Манай улсын голлох валют болох ам.долларын ханш 2412.00 төгрөгтэй тэнцэж байгаа бол бусад валют болох рубль 39.50, юань 379.00, вон 2.24 төгрөг байна.

Өнөөдөр болох онцлох үйл явдлууд:

1. Шадар сайд Ө.Энхтүвшин 09.00 цагт Шангри Ла зочид буудлын хурлын танхимд Монгол Оросын банк санхүү, хөрөнгө оруулагчдын чуулганыг нээж үг хэлнэ.
2. Чингэлтэй дүүргийн 7-р хороонд “Дэд бүтцийн төв” –ын шав тавих арга хэмжээ 11.30 цагаас эхэлнэ.
3. Хөргөлт, агааржуулалтын засвар үйлчилгээний техникийн ажилтнуудыг гэрчилгээжүүлэх тогтолцоо нэвтрүүлж хэрэгжүүлэх талаарх үндэсний оролцогч талуудын зөвлөлдөх уулзалт 10.00 цагт Улаанбаатар зочид буудлын “Хөх асар” танхимд зохион байгуулах юм.
4. 10.30 цагаас нийслэлийн Хэвлэл мэдээллийн төвд “Талын салхи-2018” олон улсын фото наадам энэ амралтын өдрүүдэд зохион байгуулагдах талаар мэдээллийг өгнө.
5. МҮЭСТО-ны сургалт, дугуйлангуудын "Зуны сургалтын нээлттэй өдөрлөг" 11.00-17.00 цагаас тус ордны спортын зааланд болно.
6. 10.00 цагаас МУИС-ийн Номын сангийн байрны 502 тоотод Япон Тэцузо Юшуни болон БНХАУ-ын эрдэмтэн Жиа Генжо нар шинжлэх ухааны ирээдүйн асуудлаар буюу Дэлхий нийтийн тогтвортой байдлын судалгаа, Дижитал бүс ба зам - Уур амьсгалын өөрчлөлт ба гамшгийн эрсдэл сэдвээр илтгэл тавина.
7. Монголд анх удаа 18 сая 800 мянган төгрөгийн шагналын сантай жендерийн сэдэвт сэтгүүл зүйн шилдэг бүтээл, гэрэл зургийн уралдаан зохион байгуулсан бөгөөд шилдэг бүтээлийн эздийг тодруулж, шагнал гардуулах ёслол 11.30 цагаас Туушин зочид буудлын Соёмбо танхимд болно.

Энэ өдөр дэлхийн түүхэнд:

1. Өнөөдөр Тархины хорт хавдартай тэмцэх дэлхийн өдөр тохиож байна.
2. 1977 оны энэ өдөр Америкийн реппер, продюсер Kanye West мэндэлжээ.
3. 1984 онд Австралийн муж улсууд ижил хүйстнүүдийг ялгаварлан гадуурхахгүй байх хуулийг баталжээ.
4. 2014 онд Пакистаны онгоцны буудал дээр болсон гэмт халдлагын улмаас 28 орчим хүн нас баржээ.