1. Дэлхийн хүүхдийн номын өдөр буюу 4 дүгээр сарын 2-нд Монсудар хэвлэлийн газар, Internom Bookstore хамтран "Урт оймст Пиппи ба "зөв" хүүхэд" хэлэлцүүлгийг зохион байгуулах гэж байна. Энэ хэлэлцүүлгээр Шведийн зохиолч Астрид Линдгрений "Урт оймст Пиппи" номын агуулгад тулгуурлан эцэг эхчүүдийн байнга асуудаг асуулт хэдий ч хариулт нь тэр бүр тодорхой байдаггүй хүүхдээ хэрхэн хүмүүжүүлэх вэ?, "зөв хүүхэд" гэж хэнийг хэлэх вэ? асуудлын хүрээнд хэлэлцүүлэг өрнүүлэх юм байна. Сонирхсон хүн бүр Өргөө II-ын хажууд байрлах Internom дэлгүүрт ирэх долоо хоногийн даваа гаригт 5:30 минутанд хүрэлцэх ирэх боломжтой.
2. Хаврыг албан ёсоор айлчлан ирснийг тунхаглаж байна. Цифер-тайз булангаараа дамжуулан "After Taste" хамтлагийг тайзнаа урьжээ. Тэд энэ сарын 31-нд 19:00 цагаас сонсогчдынхоо сонорыг мялаах гэнэ. Цифербаатар бүрийг урьж байна!
3. Зохиолч Гүн Г.Аюурзаны “Цасны роман” өгүүллэгээр бүтсэн “Сартай уншлага” энэ сарын 31 буюу ирэх бямба гарагт 19.00 цагаас “Black box” театрт болох гэж байна. Уг арга хэмжээ нь театрын шинэ төрөл болох уншлагын хэлбэрийг Монголд анх удаа амилуулж байгаагаараа онцлог. Энэ нь театрчилсан тавилттай бус харин сонгогдсон зохиолыг мэргэжлийн жүжигчин уншиж танилцуулдаг орчин үеийн театрын сонирхолтой хэлбэр юм. Ингэснээрээ уншигч үзэгчид хэн нэгэн найруулагчийн хийцэнд баригдахгүйгээр өөрийн дүгнэлтийг хийх боломжийг олгодогоороо давуу талтай.
4. Өнгөрсөн оны байдлаар дэлхийд боловсролын чанар чансаагаараа топ 20 орны нэгээр шалгарсан Тайвань улсын их, дээд сургуульд суралцах давуу тал, онцлог. Мөн АНУ-д сурахын давуу тал, ач холбогдлын талаар болон Санал Болгож Буй Сургуулиудын талаар энэхүү лекцэнд маань ирж, мэдээлэл авах боломжтой.
Тиймээс дэлхийн боловсролыг орчинд нь очиж сурах хүсэлтэй хүүхэд, залуус маань энэхүү боломжийг алдалгүй, өөртөө хөрөнгө оруулалт хийн, толгой эргүүлсэн олон асуултдаа хариулт олж аваарай.
Жич: TAX FREE Хаяг: "МОНГОЛЫН ЗАЛУУЧУУДЫН ХОЛБОО"-НЫ ХУРЛЫН ЗААЛАНД
5. "Дахин тэвчихгүй" тайван жагсаал гуравдугаар сарын 31-ний өдөр болох бөгөөд зөвхөн хүүхдийн эрхийн асуудлаар үзэл бодлоо илэрхийлнэ.
Жагсаал цуглаан хийх хуулийн дагуу холбогдох бүх байгууллагуудаас зөвшөөрөл авсан бөгөөд тайван үзэл бодлоо илэрхийлэх юм. "Дахин тэвчихгүй" жагсаал 11:00-15:00 цаг хүртэл Д.Сүхбаатарын талбайд зохион байгуулагдана.
