Энэ онд 83.7 мянган ажлын байр эзгүйрэх нь

Хөдөлмөр, нийгмийн хамгааллын сур­галт, үнэлгээ, судалгааны институтээс хөдөл­мөрийн зах зээлийн өнгөрсөн оны судалгаа, шинжилгээний ажлын тайлан­гуудаа танилцууллаа. Тус институтын Хө­­дөл­мөр эрхлэлтийн бодлогын судал­гааны секторынхон “Монгол Улсын хө­дөл­­мөрийн зах зээлийн дунд хугацааны эрэлт, нийлүүлэлтийн таамаглал 2024”, “Хө­дөлмөрийн зах зээлийн эрэлтийн баро­метрийн судалгаа 2024”, “Цалин хөлсний бүтцийн шинжилгээний ажлын үр дүн 2024” тайланг тус тус эмхэтгэж дуусжээ. Тухайлбал, барометрийн судалгаа нь хөдөлмөрийн зах зээлийн богино хуга­цааны ажиллах хүчний эрэлтийг тодор­хойлж, бодлого боловсруулагч, шийдвэр гар­гагчдыг шаардлагатай мэдээл­лээр хан­гах, судлаач, мэдээллийн хэрэг­лэгч­дэд дата бааз бүрдүүлдгээрээ ач хол­бог­дол­той. Дээрх судалгаануудын дүнгээр до­тоо­дын хөдөлмөрийн зах зээлд 2025 онд 83.7 мянган ажиллах хүчний эрэлт үүсэх урьдчилсан тооцоолол гарчээ. 
Хөдөлмөрийн зах зээл нь улирлаас шалтгаалан байнга өөрчлөгддөг аж. Өн­гөр­сөн хугацаанд хийсэн судалгааны дүн­гүүдээс үзвэл тухайн жилийн ажиллах хүчний эрэлт оны эхэнд хамгийн их утгыг заадаг байна. Тодруулбал, гурван ажлын байр тутмын хоёр нь оны эхний хагас жилд эрэлттэй, хүн хүчний хомсдолд ордог гэсэн үг. Өнөө жил ч гэсэн эл хуга­цаанд нийт ажлын байрны 79.2 хувь нь эзгүй, хүний нөөцийн эрэлд “хатах” гэнэ. 
Таш­рамд дурдахад, сүүлийн 10 жилд улсын хэмжээнд ажиллах хүчний эрэлт жил бүр 52-95 мянгын хооронд хэл­бэл­зэж, дунджаар 76.2 мянган ажлын байр сул байж. Харин энэ онд уг үзүүлэлт нэмэг­дэж, дээр дурдсанчлан 83.7 мянга болсныг Хө­дөлмөр, нийгмийн хамгааллын сур­галт, үнэл­гээ, судалгааны институтээс мэдээл­лээ.

О.Ундрах