НҮБ-ын Хүнс, хөдөө аж ахуйн байгууллагын ерөнхий захирал Монголд айлчилна
НҮБ-ын хүнс, хөдөө аж ахуйн байгууллага (ХХААБ)-ын ерөнхий захирал Чу Донгиу Гадаад харилцааны сайд Б.Батцэцэгийн урилгаар Монгол Улсад 2024 оны долдугаар сарын 10-12-ны өдрүүдэд албан ёсны айлчлал хийнэ. Др. Чу донгиу нь ХХААБ-ын ерөнхий захирлын албыг хүлээн авснаас хойш Монгол Улсад хийж буй анхны айлчлал юм. Улмаар хүнс, хөдөө аж ахуйн салбарт хамтын ажиллагааг бэхжүүлэхийг зорьж байна.
2024-07-08
Намын дарга нар хамтран ажиллах санамж бичигт гарын үсэг зурлаа
Монгол Улсын хөгжлийн тулгамдсан асуудлуудыг илүү хурдтай шийдвэрлэхийн төлөө Монгол Ардын нам, Ардчилсан нам, ХҮН намын хооронд 2024-2028 онд хамтран ажиллах санамж бичиг байгууллаа. Санамж бичигт МАН-ын дарга, Ерөнхий сайд Л.Оюун-Эрдэнэ, АН-ын дарга, УИХ-ын гишүүн Л.Гантөмөр, ХҮН намын дарга, УИХ-ын гишүүн Т.Доржханд нар гарын үсэг зурав. Намын дарга нар мэдэгдэл хийлээ.
2024-07-08
Хамтарсан Засгийн газар 23 сайдтай
Хамтарсан Засгийн газар байгуулахаар МАН, АН, ХҮН нам хамтран ажиллах санамж бичиг байгууллаа. Тэгвэл Засгийн газрын бүтцийн хувьд гурван Шадар сайд, дөрвөн яамгүй сайд, ерөнхий чиг үүргийн дөрвөн яам, чиг үүргийн 12 яамтай ажиллахаар зурагласан байна. Бүрэлдэхүүний хувьд нийт 23 сайдтай, яамдыг дэд сайдгүйгээр ажиллуулахаар төсөл боловсруулав.
2024-07-08
Олон тулгуурт, бие даасан гадаад бодлого хэрэгжүүлж буйг онцлов
Ерөнхийлөгч У.Хүрэлсүх Бүгд Найрамдах Казахстан Улсын Астана хотод болсон Шанхайн хамтын ажиллагааны байгууллага (ШХАБ)-ын гишүүн орнуудын Төрийн тэргүүн нарын зөвлөлийн өргөтгөсөн хуралдаанд ажиглагчаар оролцож, үг хэлсэн юм. Ингэхдээ Монгол Улс энхийг эрхэмлэсэн, нээлттэй, олон тулгуурт, бие даасан гадаад бодлогыг тууштай хэрэгжүүлж байгаа, НҮБ-ын гишүүн бүх улстай дипломат харилцаа тогтоосныг тэмдэглэв. Тэрбээр олон тулгуурт гадаад бодлогын хүрээнд, ШХАБ-ын ажиглагч улсын хувьд тус байгууллагын гишүүн, ажиглагч, яриа хэлэлцээний түнш орнуудтай хоёр болон олон талт хэлбэрээр дээд, өндөр түвшний харилцан айлчлал, яриа хэлэлцээг тасралтгүй хийж ирснийг ч хэллээ
2024-07-08
Монгол, Туркийн олон талт хамтын ажиллагааны асуудлаар ярилцав
Монгол Улс, Бүгд Найрамдах Турк Улсын Гадаад харилцааны яамд хоорондын улс төрийн долоодугаар зөвлөлдөх уулзалтыг Улаанбаатар хотноо 2024 оны долдугаар сарын 5-ны өдөр зохион байгуулав. Уулзалтыг монголын талаас Гадаад харилцааны яамны Европын газрын захирал Г.Баттунгалаг, туркийн талаас Гадаад хэргийн яамны Ази, Номхон далайн орнуудын газрын ерөнхий захирал Эсра Жанкорур нар тус тус тэргүүлж ажиллалаа.
2024-07-08
Л.Оюун-Эрдэнийг Ерөнхий сайдаар улиран ажиллахыг дэмжлээ
УИХ-ын 2024 оны ээлжит сонгуулийн дүнгээр Улсын Их Хуралд олонх суудал авсан Монгол Ардын Нам Л.Оюун-Эрдэнийг Монгол Улсын Ерөнхий сайдад нэр дэвшүүлэн, өнөөдөр Монгол Улсын Ерөнхийлөгч У.Хүрэлсүхэд өргөн мэдүүллээ.
2024-07-05
Ерөнхий сайдыг томилох асуудлыг хэлэлцэж байна
УИХ-ын үдээс хойшхи чуулганаар Монгол Улсын Ерөнхий сайдыг томилох асуудлыг хэлэлцэж байна. УИХ-ын гишүүн П.Наранбаатар “ шударга бус байдал явж ирсэн учраас төрийн албан болж хувирсан. Төрийн албаны ерөнхий шалгалт, нөөцийн ашиглалт 38 хувьтай байна. Гурван хүний хоёр нь шалгалтаа өгчихөөд ажилд ороогүй. 2012 онд 9 байсан яам 11, агентлагын тоо 39 болж өсөв, төрийн албан хаагчдын тоо 226 мянгад хүрэв. Энэ нь хөдөлмөрийн зах зээлийнхээ 18.2 хувийг эзэлж байна. Төрийн албан хаагчдын тоо өссөөр байна. Тиймээс төрийн албыг цомхотгох ямар арга хэмжээ авах вэ гэж асуумаар байна. Ямар хөтөлбөр хэрэгжүүлж, ямар үр дүнд хүрэх вэ. Төсвийг хэрхэн босгох вэ” хэмээн Ерөнхий сайд Л.Оюун-Эрдэнээс асуулаа.
2024-07-05
Л.Оюун-Эрдэнийг Ерөнхий сайдад нэр дэвшүүллээ
Монгол Улсын Их Хурлын 2024 оны ээлжит сонгуулийн дүнгээр Улсын Их Хуралд олонх суудал авсан Монгол Ардын Нам Л.Оюун-Эрдэнийг Монгол Улсын Ерөнхий сайдад нэр дэвшүүлэн өнөөдөр Монгол Улсын Ерөнхийлөгч У.Хүрэлсүхэд өргөн мэдүүллээ.
2024-07-05
Байнгын хороодын гишүүдийг баталлаа
Улсын Их Хурлын анхдугаар чуулганы өнөөдрийн (2024.07.05) нэгдсэн хуралдаанаар “Монгол Улсын Их Хурлын Байнгын хорооны бүрэлдэхүүний тухай” Улсын Их Хурлын тогтоолыг баталлаа. Монгол Улсын Их Хурлын тухай хуулийн 16 дугаар зүйлийн 16.3.5 дахь заалт, 25 дугаар зүйлийн 25.1 дэх хэсэг, Монгол Улсын Их Хурлын чуулганы хуралдааны дэгийн тухай хуулийн 22 дугаар зүйлийн 22.1.4 дэх заалтыг үндэслэн Монгол Улсын Их Хурлын Байнгын хороодыг дараах бүрэлдэхүүнтэйгээр байгуулахаар тогтоолд тусгажээ.
2024-07-05
Засгийн газарт хамтрах, эсэхийг бага хурлаар шийднэ
Шинэ УИХ байгуулагдаж, анхны 126 гишүүн тангаргаа өргөөд байна. МАН хэдийгээр дангаараа Засгийн газраа байгуулах хэмжээний суудал авсан ч АН, ХҮН-тэй хамтрах сонирхолтой байгаа. Тус намын Удирдах зөвлөлийн хуралдаанаар дарга Л.Оюун-Эрдэнэ, УИХ-ын дарга Д.Амарбаясгалан, МАН-ын ерөнхий нарийн бичгийн даргын үүрэг түр гүйцэтгэгч Я.Содбаатар нарын бүрэлдэхүүнтэй ажлын хэсэг байгуулаад буй аж.
2024-07-05
ШХАБ-ын оролцогч орнуудтай эдийн засаг, байгаль орчин, аялал жуулчлалын харилцааг өргөжүүлнэ
Монгол Улсын Ерөнхийлөгч У.Хүрэлсүх Бүгд Найрамдах Казахстан Улсын Астана хотноо Шанхайн хамтын ажиллагааны байгууллага (ШХАБ)-ын гишүүн орнуудын Төрийн тэргүүн нарын зөвлөлийн өргөтгөсөн хуралдаанд ажиглагчаар оролцож, үг хэллээ. Тэрбээр, Монгол Улс энхийг эрхэмлэсэн, нээлттэй, олон тулгуурт, бие даасан гадаад бодлогыг тууштай хэрэгжүүлж байгааг болон НҮБ-ын гишүүн бүх улстай дипломат харилцаа тогтоосныг тэмдэглэв. Олон тулгуурт гадаад бодлогын хүрээнд, ШХАБ-ын ажиглагч улсын хувьд тус байгууллагын гишүүн, ажиглагч, яриа хэлэлцээний түнш орнуудтай хоёр талт болон олон талт форматын хүрээнд дээд, өндөр түвшний харилцан айлчлал, яриа хэлэлцээг тасралтгүй хийж ирснийг хэлэв.
2024-07-05
Шинэ парламентын өнгө
Энэ УИХ-д Ганбаатар нэртэй дөрвөн гишүүн бий. Бидний мэддэг “хиншүү” С.Ганбаатар, “Оргил” худалдааны төвийн захирал, улиран сонгогдсон гишүүн Ж.Ганбаатар нарыг уншигчид танина. Тэднээс гадна АН-аас долоодугаар тойрог буюу говийн бүсэд өрсөлдөөд сонгогдсон Гомбын Ганбаатар, тус намын жагсаалтын 15-аар орж ирсэн Амгаланбаатарын Ганбаатар нар нэмэгдэж байна. Мөн Бат-Эрдэнэ, Болормаа, Цогтбаатар, Энхбаяр тус бүр хоёр байгаа аж.
2024-07-04
Монгол, Оросын Иж бүрэн стратегийн түншлэлийн харилцааг өргөжүүлнэ
Монгол Улсын Ерөнхийлөгч У.Хүрэлсүх Бүгд Найрамдах Казахстан Улсын нийслэл Астана хотноо Шанхайн хамтын ажиллагааны байгууллагын гишүүн орнуудын Төрийн тэргүүн нарын зөвлөлийн өргөтгөсөн хуралдаанд ажиглагчаар оролцох үеэрээ Оросын Холбооны Улсын Ерөнхийлөгч Владимир Владимирович Путинтай уулзлаа.
2024-07-04
Бутаны цог жавхлант хаан манай улсад айлчилна
Монгол Улсын Ерөнхийлөгч Ухнаагийн Хүрэлсүхийн урилгаар Бутаны Хаант Улсын Цог Жавхлант Хаан Жигмэ Гэсэр Намжил Ванчук 2024 оны долдугаар сарын 08-15-ны өдрүүдэд Монгол Улсад төрийн айлчлал хийнэ.
2024-07-03
Ерөхийлөгч У.Хүрэлсүх Астана хотноо хүрэлцэн ирлээ
Монгол Улсын Ерөнхийлөгч У.Хүрэлсүх Бүгд Найрамдах Казахстан Улсын Астана хотноо хүрэлцэн ирлээ. Тэрбээр Шанхайн хамтын ажиллагааны байгууллага (ШХАБ)-ын гишүүн орнуудын Төрийн тэргүүн нарын зөвлөлийн өргөтгөсөн хуралдаанд ажиглагчаар оролцохоор юм.
2024-07-03
