“Монад” багийнхан тэргүүллээ

Парламентын мэтгэлцээний улсын аварга шалгаруулах 14 дэх удаагийн тэмцээнд МУИС-ийн Олон улсын харилцааны сургуулийн “Бест” клубийн “Монад” багийнхан тэр­гүүл­лээ. 
“Үндсэн хуульт ёс: Өнгөрсөн, одоо, ирээ­дүй” сэдвийн хүрээнд энэ сарын 21-23-нд зо­хион байгуулсан уг тэмцээнд 10 их, дээд сур­­гуулийн 36 баг өрсөлджээ. Нийт дөрвөн тойр­гоор өр­сөлд­сөн уг мэтгэлцээний эцсийн шатанд МУИС-ийн Олон улсын харилцааны сургуулийн “Бест” клубийн “Монад” болон Хууль зүйн сургуулийн “Беркли” клубийн “Дайралцаан” багийнхан тунаж үлдсэн байна.
Дээрх хоёр багийнхан иргэд тайван жаг­саал, цуглаан хийхдээ төрд урьдчилан мэдэг­дэх нь буруу гэсэн шийдлийг хамгаалж, бас ня­цаан мэтгэлцсэн юм. Ингэхдээ “Монад” багийнхан Засгийн газрыг төлөөлж, тайван жаг­саал, цуглаан хийхдээ иргэд төрд мэдэгдэх нь буруу гэх байр суурийг хамгаалав. Харин “Дай­рал­цаан” багийнхан тэдний шийдлийг няцааж мэт­­гэлцлээ. Өөрсдийн үзэл санаа, үндэслэл, но­толгоог жишээ баримтад тулгуурлан, олон улсын чиг хандлага, шинжлэх ухааны судал­гаа­гаар баталснаар “Монад” баг ялж, пар­ламентын мэт­гэл­цээний улсын аварга шал­гаруулах тэм­цээнд тэргүүллээ.

У.Цэцэгсүрэн