“Аваргуудын лиг”-т ПСЖ түрүүллээ

2024 оны жүдогийн сүүлийн тэмцээний нэг бо­лох Европын “Аваргуудын лиг” өнгөрсөн бям­ба гарагт Фран­цын Монпелье хотод өндөр­лөлөө. Тус тэмцээнд 12 баг оролцсон агаад анх удаа хо­ли­мог багийн төрөл багтжээ. “Аваргуудын лиг”-т зөвхөн эрэгтэйчүүдийн багууд оролцдог бай­­сан бол 2023 оноос эмэгтэйчүүдийг нэмсэн билээ. 
Энэ удаад олимпын таван удаагийн аварга Т.Ринье тэр­гүүтэй хүчирхэг ПСЖ баг да­вам­гай­лан алтан медаль хүртсэн байна. Тэд шөв­гийн наймд Францын өөр нэг баг “А.M.Asnieres”-ийг 4-1 харьцаатай, хагас шигшээд “Judo Ukraine”-ыг нэг ч оноо алдалгүй ялсан. Финалд Хорватын “Цр­вена Звезда” багийг буулгаж ав­чээ. Алдарт Т.Ринье Парисын олимпоос хойш анх удаа та­тамид гарч эхний барилдаанаа дэл­х­ийн аварга, Ку­бын Э.Грандатай хийв. Тэд най­ман минутын турш оноо авч чадалгүй ба­рилдсаны эцэст шүүгч куба бөхөд гу­рав дахь тор­гуулийг өгснөөр ялалт франц жүдочид ир­жээ.  Хүрэл медалийн эзнээр Гүржийн “Голден гори”, Фран­цын “Judo nice metropole” баг тодорсон байна.