Элсэлтийн ерөнхий шалгалт өчигдөр өндөрлөлөө. Улсын хэмжээнд нийт 39728 хүүхэд шалгалт өгөхөөр бүртгүүлснээс мянга гаруй нь янз бүрийн шалтгаанаар шалгалтаа өгсөнгүй.
Тухайлбал иргэний үнэмлэх, гэрчилгээгээ мартсан, зарим нь хоцорсон, огт ирээгүй зэрэг байлаа.
Мөн одоогоор “Боловсролын үнэлгээний төв” дээр шалгуулагчдын зүгээс олон гомдол санал ирсээр байна. Тухайлбал шалгалтын материал хүнд байсан, сонголт хийхэд ижил төстэй хоёр хариулт байсан гэх зэрэг байгаа ба түүнээс хамгийн том гомдол нь хэвлэлтийн явцад вариант алгасч үдсэн хуудас орон нутагт очиж, багагүй хүндрэл учруулсан байна.
Шалгалтын материалыг “Улаанбаатар принт”-д хэвлэсэн гэнэ.
Б.Энх-Уянга
