"Парис 2024" зуны Олимпын наадмын байт харвааны төрлийн чансаа тогтоох харваа болж өндөрлөлөө. Манай тамирчин Азийн аварга, ОУХМ Б.Отгонболд нийт дүнгээр 643 оноотойгоор 54-р байрт жагсжээ. Урьдчилсан харваанд өрсөлдсөн 64 тамирчин нийт оноогоороо жагсаж, 1-64 байрт эрэмбэлэгдэж байгаа юм. Цаашид хасагдах журмаар явах буюу дараагийн шатанд 32 тамирчин тунаж, өрсөлдөнө.
Манай тамирчин хасагдах шатанд чансаа тогтоох харваанд 11-р байрт эрэмбэлэгдсэн Мексикийн тамирчин Матиас Грандетэй халз цэц мэргэнээ сорихоор боллоо. Матиас Гранде нь 20 настай, дэлхийн чансааны 17-р байрт эрэмбэтэй тамирчин аж.
Эх сурвалж: МҮОХ
