Өнөөдөр гадаа -1 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Гуравдугаар сарын 28-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 87 дахь өдөр бөгөөд он дуусахад 278 хоног үлдлээ.
- Цаг агаар өдөртөө -1 хэмийн хүйтэн бол шөнөдөө -12 градус хүйтэн байх нь ээ.
- Билгийн тооллын 18, Хонгорцог одтой, цагаагчин туулай өдөр. Өдрийн наран мандах, жаргах цаг нь 6:38-19:16. Тухайн өдөр гахай жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр найз нөхдийг түшиж элдэв үйлийг түргэн бүтээх, бүтээл туурвил эхлэх, бизнэс эхлэх, цар ихтэй үйлийг эхлэх, бясалгал хийх, доодсыг асран өглөг, хандив өргөх,мал аж ахуйн үйл, удирдлагын суудалд суух, хийморийн дарцаг хатгахад сайн. Газар хагалах, ус булгийн эх малтах, сэтгэлд сэвтэй газар очих, уул овоо тахихад муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод урагш мөрөө гаргавал зохистой. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3376.00 төгрөг, зарах нь 3380.00 төгрөг байна. Харин рублийн авах ханш 35.30, зарах ханш 35.60, юанийн авах ханш 469.00, зарах ханш 470.00, вонийн авах ханш 2.50, зарах ханш 2.52 төгрөг байна.
Өнөөдөр болох онцлох үйл явдлууд:
- 09.00 цагт “Корпорэйт конвейншн” төвд: “Монголын геологи, хайгуул-2024” салбарын уулзалт хэлэлцүүлэг болно.
- 10.00 цагт ГХЯ-нд: Монгол Улсын Засгийн газар болон НҮБ-аас хамтран хэрэгжүүлж буй "Тогтвортой хөгжлийн хамтын ажиллагааны хүрээ 2023-2027" баримт бичгийн хэрэгжилтийг хангах Засгийн газар, НҮБ-ын хамтарсан Удирдах хорооны хурал болно.
- 11.00 цагт ХЭҮК-оос 2023 онд төр, засгийн байгууллагуудад хүргүүлсэн шаардлага, зөвлөмжийн хэрэгжилтийн талаар мэдээлнэ. Утас: 9902-8438.
- 11.30 цагт “ЗМ”-ний мэдээллийн төвд: “Оюу толгой” ХХК Хөдөлмөрийн хуулийн заалт болон ҮЭ-ийн хамтын гэрээг мөрдөхгүй, илүү цагийн мөнгө олгохгүй байгаа талаар компанийн ажилчид Өмнөговиос ирж мэдээлэл хийнэ.
- 12.00 цагт Монгол Бөхийн өргөөнд: “Браво циркус” нэгдлээс циркийн хөгжлийн талаар болон энэ сарын 29-нд эхлэх “Браво цирк-4” тоглолтын талаар мэдээлнэ.
- 12.00 цагт “Этүгэн их сургуулийн багш, оюутнууд нийгмийн хариуцлагын хүрээнд Чингэлтэй дүүргийн 39-р сургуулийн 1905 сурагчид амны хөндийн үзлэг хийж, шүдээ зөв угаах дадалд хэвшүүлсэн сургалтын дүнг танилцуулж, амны эрүүл ахуйн сургагч багш нартаа батламж гардуулна. Утас:8685-1620, 9985-1620.
- 16.00 цагт Газар хөдлөлтийн аюулаас урьдчилан сэргийлэх дадлага сургуулилалт орон даяар гамшгийн дуут дохиогоор зэрэг болно.. Утас:8824-9813.
Энэ өдөр дэлхийн түүхэнд:
- МЭ 37 - Ромын эзэн хаан Калигула өөрийгөө "Аугаа хунтайж" хэмээн өргөмжилжээ.
- 193 - Ромын хаан Пертинакс хамгаалагчдынхаа гарт амиа алдав. Түүнийг орыг Дидиус Юлианус залгасан юм. Тэрээр хаан ширээнд суухдаа их хэмжээний мөнгө төлж суусан гэж түүхэнд тэмдэглэгдсэн байдаг билээ.
- 364 - Ромын хаан I Валентиниан ах Флавий Валенсыг хамтран захирагч болгов.
- 1566 - Мальтын цэргийн жанжин Жеан Парисо де Валлетт нийслэл хот Валетта хотын суурийг тавьжээ. Хотыг түүний нэрээр нэрлэсэн юм.
- 1776 - Сан Франциско хотын ерөнхийлөн захирагчаар Хуан Батиста де Анца тодорчээ.
- 1795 - Польш-Литвын эвсэл Хаант Оростой гал зогсоох гэрээ байгуулж, Оросын газар нутгийн нэг хэсэг болов.
- 1802 - Одон оронч Хайнрих Вилгельм Маттайс Олдерс солирыг илрүүлжээ.
- 1809 - Хойгийн дайн: Меделиний тулаанд Францчууд Испанийг буулган авав.
- 1814 - Америкийн тэнгисийн хөлөг онгоц Их Британийн эзэн хааны тэнгисийн цэргийн хоёр онгоцыг эзлэн, барьцаалжээ.
- 1842 - Шинэхэн байгуулагдсан Вьенна хотын филармони анхны тоглолтоо зохион байгуулав.
- 1854 - Крымын дайн: Франц болон Британи улс Оросод дайн зарлажээ.
- 1862 - Америкийн иргэний дайн: Глориета Пассын тулаанд Холбоотны арми Эх газрын армийн эзлэн түрэмгийллийг зогсоожээ. Улмаар Нью Мексикогын газар нутаг Холбоотны армийн талд шилжсэн юм.
- 1871 - Парисын хамтрал байгуулагдаж эхэлжээ.
