Өнөөдөр гадаа -5 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Гуравдугаар сарын 07-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 67 дахь өдөр бөгөөд он дуусахад 299 хоног үлдлээ.
- Цаг агаар өдөртөө -5 хэмийн хүйтэн бол шөнөдөө -24 градус хүйтэн байх нь ээ.
- Билгийн тооллын 27, Яруу эгшигт одтой, цагаан морь өдөр. Өдрийн наран мандах, жаргах цаг нь 7:21-18:45. Тухайн өдөр бар жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, гарагийг тахих, тангараг тавихад сайн. Гэр бүрэх, хэрүүл тэмцэл хийх, улаа гаргах, хиншүү хярвас гаргах, хүүхэд хөлд оруулахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод баруун урагш мөрөө гаргавал зохистой. Үс шинээр үргээлгэх буюу засуулбал өлзийтэй сайн.
- Валют арилжааны төвд ам.долларын авах ханш 3377.00 төгрөг, зарах нь 3382.00 төгрөг байна. Харин рублийн авах ханш 35.60, зарах ханш 36.30, юанийн авах ханш 467.20, зарах ханш 471.70, вонийн авах ханш 2.55, зарах ханш 2.56 төгрөг байна.
Өнөөдөр болох онцлох үйл явдлууд:
- 08.30-14.30 цагт МҮХАҮТ-д: Бизнес эрхлэгч эмэгтэйчүүдийн "EMPOWERING WOMEN 2024 | Trade Tech Talent" үйл ажиллагаа, уулзалт болно.
- 11.00 цагт ХЭҮК-т: Гэр бүлийн хүрээн дэх жэндэрийн эрх тэгш байдлын талаарх судалгааг танилцуулна.
- 11.00 цагт ОБЕГ-т УОК ээлжит мэдээллээ хийнэ.
- 11.00 цагт МОНЦАМЭ агентлагт: “Зан үйлийн өргөө” ТББ-аас малчдад туслах “Авралын аян” зарлаж буй талаар мэдээлнэ. Энд “Монгол уншлагат Түгээмэл ивээл төв”, “Монголын Онцгой гамшгийн эрсдэл үнэлэгчдийн холбоо” зэрэг ТТБ-ууд нэгдэж байгальтай зөв харьцах аргачлалыг танилцуулж зөвлөх юм. Утас: 8803-6006.
- 11.30 цагт “Монгол Ньюс” мэдээллийн төвд: хөдөлмөрийн зах зээлийн мэдээллийн “Зангиа.мн” сайтаас “Эмэгтэйчүүдийн хөдөлмөрлөх болон хөгжих боломж”-ийн талаар мэдээлнэ.
- 12.00 цагт Сүлжээний бизнес гэдгээр эмэгтэйчүүдийн эрхийг зөрчиж буй талаар иргэн Б.Оюундэлгэр, түүний өмгөөлөгч мэдээлэл хийнэ.
- Монгол Улсын иргэд өнөөдрөөс эхлэн Вьетнам Улс руу 30 хоногийн хугацаанд визгүй зорчиж эхэлнэ.
Энэ өдөр дэлхийн түүхэнд:
- 161 - Ромын эзэн хаан Антонинус Пиус нас барсаны дараа түүний орыг хүү нар болох Марк Аврелий, Лусиус Верус нар залгав.
- 321 - Ромын эзэнт хаан I Константин нас барав. Энэ өдрийг "солис инвикти" буюу "бүтэн сайн" хэмээн зарлаж, эзэнт гүрэн даяар бүх нийтээрээ амарчээ.
- 1573 - Венецийн бүгд найрамдах улс болон Оттоманы эзэнт гүрний хооронд энхийн гэрээ байгуулагдав. Ингэснээр хоёр улсын хооронд өрнөсөн дайн гурван жилийн дараа эцэслэжээ.
- 1799 - Францын эзэн хаан Наполеон Бонапарт Палестины Яффа хотыг эзлэн түрэмгийлэв. Үүний улмаас 2,000 гаруй хүн амиа алдсан байна.
- 1814 - Краоннегийн тулаанд Наполеон ялалт байгуулав.
- 1827 - Аргентины Патогонийн тэнгисийн цэргийн бааз руу Бразилийн тэнгисийн цэрэг халдсан боловч амжилттай болоогүй байна.
- 1850 - АНУ-ын сенатор Даниел Уебстер иргэний дайн үүсэх боломжтой байгаа талаар анхлан мэдэгджээ.
- 1862 - Америкийн иргэний дайн: Арканзас мужийн баруунхойд хэсэгт орших Пий гүүрний тулаанд Холбоотны арми Эх газрын армийг бут ниргэв.
- 1876 - Алдарт зохион бүтээгч Александер Грам Белл өөрийн зохиосон бүтээлээ "телефон" хэмээн нэрлэж, зохиогчийн эрх авчээ.
- 1914 - Албанийн хунтайж Уиллиам хаан ширээнд суув.
