Өнөөдөр гадаа -12 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Хоёрдугаар сарын 8-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 39 дэх өдөр бөгөөд он дуусахад 326 хоног үлдлээ.
- Цаг агаар өдөртөө -12 хэмийн хүйтэн бол шөнөдөө -30 градус хүйтэн байх нь ээ.
- Билгийн тооллын 28, Элдэв тэнгэртэн одтой, хар бар өдөр. Өдрийн наран 8 цаг 11 минутад мандан, 18 цаг 2 минутад жаргана. Тухайн өдөр морь жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, сан тавиулах, угаал үйлдэх, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, гэр, байшингийн суурь тавихад сайн. Золиг гаргах, сэтгэлд сэвтэй газар очиход муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод хойш мөрөө гаргавал зохистой.
- Валют арилжааны төвд ам.долларын авах ханш 3406.00 төгрөг, зарах нь 3410.00 төгрөг байна. Харин рублийн авах ханш 37.00, зарах ханш 37.50, юанийн авах ханш 472.50, зарах ханш 474.50, вонийн авах ханш 2.54, зарах ханш 2.56 төгрөг байна.
Өнөөдөр болох онцлох үйл явдлууд:
- 11.30 Халхын голын байлдааны сувилагч 100 настай ахмад дайчин Чимэдцэрэнд хүндэтгэл үзүүлэх ёслол “Алтан гадас” VIP ресторанд болно.
- 12.00 Улсын хоёрдугаар төв эмнэлгийн гадна талбайд Явуулын үзлэг, оношилгоо, шинжилгээ хийх иж бүрэн тоноглогдсон 4 автомашиныг Монгол Улсад хүлээлгэн өгөх ёслол болно.
- 14.00 цагаас Ботаникийн цэцэрлэгт хүрээлэнгийн семинар ШУА-ийн нэгдүгээр байранд болно.
Энэ өдөр дэлхийн түүхэнд:
- 1238 - Монголын эзэнт гүрний цэргүүд Оросын Владимир хотыг уулгалан довтлов.
- 1575 - Нидерландын хамгийн алдартай, хамгийн хөгшин сургуулиудын нэг Лейдэний их сургууль байгуулагджээ.
- 1587 - Шотландын хатан Мериг төрийн эрхийг хууль бусаар авахыг санаархсан гэж үзэн цаазаар авав.
- 1601 - Эссэксийн хоёрдугаар гүн Роберт Девере хатан хаан I Элизабетийн эсрэг хувьсгал өрнүүлэв. Гэсэн ч удалгүй Деверегийн хүч ялагдал хүлээсэн юм.
- 1693 - АНУ-ын Виржиниа мужийн Уиллиамсбург хотод Английн хаан III Уиллиам, Хатан хаан II Мери нарын дурсгалд зориулж, Уиллиам болон Меригийн коллежийг байгуулжээ.
- 1817 - Сан Мартиний удирдлага дор цугларсан арми Андийн нурууг давж, Чили улсыг Испанийн дарлалаас чөлөөлөв.
- 1837 - АНУ-ын сенат хуралдан АНУ-ын анхны дэд ерөнхийлөгчийн суудалд Ричард Жонсонг суулгасан байна.
- 1865 - Боолчлолыг халах, худалдаалах, наймаалцахыг бүрэн хориглосон АНУ-ын Үндсэн хуулийн 13-р нэмэлт өөрчлөлтөд нэгдэн орохоос Делавейр муж татгалзав. Тэд 1901 оныг хүртэл Үндсэн хуулийн 13 дахь нэмэлт өөрчлөлтийг хүлээн зөвшөөрөөгүй юм.
- 1879 - Хатан хааны дэргэдэх Канадын хүрээлэнгийн ээлжит хуралдааны үеэр Сендфорд Флеминг Олон улсын нэгдсэн цаг тооллын талаарх анхны санаагаа дэвшүүлжээ.
- 1887 - Уугуул америкчуудын өв соёл, газар нутгийг хотжилтоос хамгаалах тухай Дейвсийн хууль батлагдав.
- 1904 - Порт Артурын тулаан: Японы арми Порт Артурт гэнэтийн дайралт хийв. Ингэснээр Орос-Японы дайн эхэлжээ.
- 1910 - Уиллиам Д.Бойс АНУ-ын Хөвгүүдийн скаутын холбоог байгуулав.
- 1915 - Кино урлагийн түүхэнд домог болон мөнхөрсөн "Birth of Nation" кино Лос Анжелес хотноо анхлан дэлгэцэнд гарчээ.
- 1922 - АНУ-ын ерөнхийлөгч Уоррен Г.Хардинг радиогоор үг хэлсэн анхны ерөнхийлөгч болов.
- 1942 - Японы арми Сингапурыг эзлэн түрэмгийлэв.
- 1945 - Райн мөрний баруун эрэгт Их Британи, Канадын хамтарсан арми "Үнэн" ажиллагааг эхлүүлжээ.
- 1949 - Унгарын кардинал Мидшентиг эх орноосоо урвасан гэх үндэслэлээр баривчилав.
- 1950 - Зүүн Германд нууц ажиллагаатай цагдаагийн газар болох "Стази" байгуулагджээ.
- 1952 - Их Британи, Умард Ирландын нэгдсэн хаант улсын хаан ширээнд II Элизабет суужээ.
- 1962 - Шаронны халдлага: Парис хотод жагсаал зохион байгуулсан үйлдвэрчний эвлэлийн 9 гишүүн цагдаагийн гарт амиа алдав. Тэд Алжирын тусгаар тогтнолыг дэмжиж жагсаал зохион байгуулсан юм.
- 1963 - АНУ-ын ерөнхийлөгч Жон Ф.Кеннеди Куба руу худалдаа, аялал, бизнесийн чиглэлээр америкчуудыг зорчихийг хуулиар хориглов.
- 1968 - Иргэний эрхийн төлөөх Америкийн хөдөлгөөн: Өмнөд Каролина мужийн Оранжбург хотод байрлах Өмнөд Каролинагын их сургуулийн оюутнууд хар арьстануудыг эсэргүүцэж, жагсаал зохион байгуулжээ. Жагсаалын улмаас 3-4 хүн амиа алдсан байна.
- 1971 - Америкийн хөрөнгийн биржид NACDAQ индекс анх удаагаа арилжаалагдаж эхлэв.
- 1974 - Скайлаб 4 хөлгийн баг 84 хоног задгай сансарт ажилласны дараа эх дэлхийдээ эрэв. Үүнээс хойш Скайлаб хөтөлбөр дахиж хэрэгжээгүй билээ.
- 1978 - АНУ-ын Сенатын танхимын хуралдааныг анх удаагаа радио, телевизээр шууд дамжуулав.
- 1983 - Мельбурнын шороон шуурга: Австралийн хоёр дахь томоохон хот гэгдэх Мельбурн хотод ган гачигийн улмаас шороо шуурч нэг өдрийн дотор 320 метр шороон давхарлага үүсгэжээ.
- 1996 - АНУ-ын Конгресс Харилцааны соёлын тухай хуулийг баталжээ.
- 2005 - Шри-Ланкын иргэний дайн: Шри Ланкын Тамилийн хөдөлгөөний гишүүн, парламентын экс гишүүүн А.Чандранеруг отож байсан алуурчид амийг нь хороов.
- 2014 - Саудын Арабын Медина хот дахь нэгэн зочид буудалд гал гарсаны улмаар Египетын 15 сүсэгтэн амиа алдаж, 130 гаруй хүн бэртэж гэмтжээ.
